Fransiya Ukrainaga harbiy yordamni kuchaytirmoqda: Rafale va qurol ishlab chiqarish litsenziyalari
Dunyo
Fransiya Ukraina bilan harbiy hamkorlikni kengaytirishini ma’lum qildi. Zamonaviy qurol-yarog‘ yetkazib berish bilan bir qatorda, Kiyev Fransiyaning bir qator raketa tizimlarini mamlakat hududida ishlab chiqarish litsenziyalarini oladi hamda Rafale qiruvchi samolyotlarini xarid qilish bo‘yicha shartnomani amalga oshirishni davom ettiradi. Yangi kelishuvlar Yevropa ittifoqchilarining Ukrainaning mudofaa salohiyatini mustahkamlash strategiyasining bir qismiga aylandi.
Fransiya Prezidenti Emmanuel Makronning ma’lum qilishicha, Ukraina 100 ta ko‘p maqsadli Rafale qiruvchisini buyurtma qilgan bo‘lib, ularning dastlabki 16 tasi 2028–2029-yillarda yetkazib beriladi. Mazkur shartnoma 2025-yil noyabr oyida imzolangan.
Shuningdek, Fransiya Ukrainaga Aster-30 zenit raketalari, SCALP-EG qanotli raketalari hamda AASM yuqori aniqlikdagi aviatsiya tizimlarini mamlakat hududida ishlab chiqarish litsenziyalarini taqdim etadi. Parijning fikricha, mahalliy ishlab chiqarishni rivojlantirish Ukrainaning mudofaa sanoati barqarorligini oshiradi.
Makron Prezident Vladimir Zelenskiy, Germaniya kansleri Fridrix Mers va Buyuk Britaniya Bosh vaziri Kir Starmer bilan o‘tkazilgan qo‘shma matbuot anjumanida Ukraina bilan qo‘shni davlatlarda ko‘p millatli kuchlarni tayyorlash maqsadida harbiy mashg‘ulotlar boshlanishi bo‘yicha kelishuvga erishilganini ham ma’lum qildi.
O‘z navbatida, Kir Starmer Buyuk Britaniya Ukrainaga mo‘ljallangan 90 milliard yevrolik Yevropa harbiy yordam kredit dasturiga qo‘shilganini e’lon qildi.
Makron, shuningdek, Yevropa davlatlarini qurol-yarog‘ni birgalikda ishlab chiqarishni jadallashtirishga chaqirib, dronlar, havo hujumidan mudofaa tizimlari, raketalar va o‘q-dorilar ishlab chiqarish sur’atlarini sezilarli darajada oshirish zarurligini ta’kidladi.
Shuningdek, Fransiya Ukrainaga Aster-30 zenit raketalari, SCALP-EG qanotli raketalari hamda AASM yuqori aniqlikdagi aviatsiya tizimlarini mamlakat hududida ishlab chiqarish litsenziyalarini taqdim etadi. Parijning fikricha, mahalliy ishlab chiqarishni rivojlantirish Ukrainaning mudofaa sanoati barqarorligini oshiradi.
Makron Prezident Vladimir Zelenskiy, Germaniya kansleri Fridrix Mers va Buyuk Britaniya Bosh vaziri Kir Starmer bilan o‘tkazilgan qo‘shma matbuot anjumanida Ukraina bilan qo‘shni davlatlarda ko‘p millatli kuchlarni tayyorlash maqsadida harbiy mashg‘ulotlar boshlanishi bo‘yicha kelishuvga erishilganini ham ma’lum qildi.
O‘z navbatida, Kir Starmer Buyuk Britaniya Ukrainaga mo‘ljallangan 90 milliard yevrolik Yevropa harbiy yordam kredit dasturiga qo‘shilganini e’lon qildi.
Makron, shuningdek, Yevropa davlatlarini qurol-yarog‘ni birgalikda ishlab chiqarishni jadallashtirishga chaqirib, dronlar, havo hujumidan mudofaa tizimlari, raketalar va o‘q-dorilar ishlab chiqarish sur’atlarini sezilarli darajada oshirish zarurligini ta’kidladi.
Powered by Froala Editor