Hind-Tinch okeani mintaqasida AQSh maxsus kuchlari M/T Tifani tankerini qo‘lga oldi
Dunyo
Pentagon Hind-Tinch okeani mintaqasida M/T Tifani tankerini qo‘lga olish bo‘yicha muvaffaqiyatli operatsiya o‘tkazdi. Davlat bayrog‘isiz harakatlanayotgan ushbu kema Eronning xufyona logistika tarmoqlariga xizmat ko‘rsatishda gumon qilinmoqda.
Amerika harbiylari razvedka ma’lumotlari kemaning xalqaro sanksiyalarni chetlab o‘tib, noqonuniy yuk tashishga aloqadorligini tasdiqlaganidan so‘ng, tankerni nazoratga oldilar. Ko‘zdan kechirish va qo‘lga olish jarayoni reja asosida o‘tdi, kema bortida hech qanday ko‘ngilsiz hodisalar qayd etilmadi.
AQSh Mudofaa vazirligining ma’lum qilishicha, M/T Tifani ancha vaqtdan beri “qora ro‘yxat”da bo‘lgan. Tergov ma’lumotlariga ko‘ra, kema Tehronga moddiy yordam ko‘rsatish uchun foydalanib kelingan. Pentagon mintaqaviy barqarorlikka rahna soluvchi Eron tomonini noqonuniy ta’minlashga qaratilgan har qanday urinishlarga nisbatan qat’iy choralar ko‘rishda davom etishini ta’kidladi.
AQSh Mudofaa vazirligining ma’lum qilishicha, M/T Tifani ancha vaqtdan beri “qora ro‘yxat”da bo‘lgan. Tergov ma’lumotlariga ko‘ra, kema Tehronga moddiy yordam ko‘rsatish uchun foydalanib kelingan. Pentagon mintaqaviy barqarorlikka rahna soluvchi Eron tomonini noqonuniy ta’minlashga qaratilgan har qanday urinishlarga nisbatan qat’iy choralar ko‘rishda davom etishini ta’kidladi.
Powered by Froala Editor