Isroil Bayrutga havo hujumi uyushtirdi
Dunyo
Isroil harbiy-havo kuchlari Bayrutning Dahiyah tumaniga havo zarbasi berdi. Bu hudud Livanning radikal shia harakati "Hizbulloh"ning tayanchi hisoblanadi. Isroil Mudofaa armiyasi (IDF) va mamlakatning xavfsizlik xizmati (Shin-Bet) bayonotiga ko‘ra, ushbu hujum "Hizbulloh"ning yuqori martabali a’zosini yo‘q qilish maqsadida amalga oshirilgan.
Rasmiylarga ko‘ra, nishon qilingan shaxs Falastinning HAMAS harakati bilan hamkorlikda Isroil fuqarolariga qarshi yirik terrorchilik hujumini rejalashtirishda ishtirok etgan. Isroil harbiylari ushbu xavfni bartaraf etish uchun operatsiyani o‘tkazganini ta’kidladi.
Livan sog‘liqni saqlash vazirligi hujum natijasida kamida uch kishi halok bo‘lganini, yetti kishi jarohat olganini bildirdi. AFP agentligi esa Isroilning havo zarbasi ko‘p qavatli binoning ikki yuqori qavatini butunlay vayron qilganini ma’lum qildi.
So‘nggi kunlarda Isroil ikkinchi marta Bayrut janubiga zarba berdi. 28-mart kuni Isroil harbiy-havo kuchlari Xadat tumanida joylashgan "Hizbulloh" ob’ektlariga hujum qilgan edi. Bu hujum Livan hududidan Isroilga qarata raketalar uchirilganidan keyin sodir bo‘ldi.
Sulhning buzilishi Isroilning G‘azo sektorida HAMASga qarshi harbiy harakatlarni qayta boshlashi bilan bir vaqtda ro‘y berdi. Tomonlar o‘t ochishni to‘xtatish shartlarini kelishib ololmagach, ikki oylik sulh rasman yakunlandi.
Livan sog‘liqni saqlash vazirligi hujum natijasida kamida uch kishi halok bo‘lganini, yetti kishi jarohat olganini bildirdi. AFP agentligi esa Isroilning havo zarbasi ko‘p qavatli binoning ikki yuqori qavatini butunlay vayron qilganini ma’lum qildi.
So‘nggi kunlarda Isroil ikkinchi marta Bayrut janubiga zarba berdi. 28-mart kuni Isroil harbiy-havo kuchlari Xadat tumanida joylashgan "Hizbulloh" ob’ektlariga hujum qilgan edi. Bu hujum Livan hududidan Isroilga qarata raketalar uchirilganidan keyin sodir bo‘ldi.
Sulhning buzilishi Isroilning G‘azo sektorida HAMASga qarshi harbiy harakatlarni qayta boshlashi bilan bir vaqtda ro‘y berdi. Tomonlar o‘t ochishni to‘xtatish shartlarini kelishib ololmagach, ikki oylik sulh rasman yakunlandi.
Powered by Froala Editor