Isroil G‘azoda elektr energiyasini uzib qo‘ydi
Dunyo
Isroil hukumati G‘azoda qolgan elektr energiyasini butunlay uzib qo‘yishga qaror qildi. Bu harakat sulh bo‘yicha davom etayotgan muzokaralar davomida Hamasga bosim o‘tkazish uchun qilinmoqda. Isroil energetika vaziri Eli Kohen o‘z bayonotida ushbu choralar Isroil fuqarolarini qaytarish va Hamasning G‘azodagi hukmronligiga barham berish maqsadida qo‘llanilayotganini aytdi.
Isroilning bu qarori G‘azodagi 2,3 million aholiga qanday ta’sir qilishi hozircha aniq emas. Hududda aksariyat aholi dizel yoqilg‘isida ishlaydigan generatorlardan foydalanadi. Biroq, elektr energiyasi uzilishi natijasida, G'azoda mavjud ikki ta’minot zavodi ishdan chiqishi mumkin. Bu esa ichimlik suv ta’minotini uzilib qolishiga hamda yagona ishlayotgan kanalizatsiyaning faoliyatini to‘xtatishi mumkin.
Hamas siyosiy byurosi a’zosi Izzat al-Rishq: “G‘azoni oziq-ovqat, dori-darmon va suvdan mahrum qilganidan keyin elektrni uzib qo‘yish qarorini qabul qilib bo‘lmaydi. Bu xalqimiz va uning qarshiligiga bosim o‘tkazishning navbatdagi usuli,” – dedi.
Isroil sulhning birinchi bosqichini aprel o‘rtalarigacha uzaytirishga harakat qilmoqda. Yanvarda kuchga kirgan sulh o‘tgan hafta rasmiy tugagan edi. Isroil avvalroq G‘azoga barcha tovarlarning yetkazilishini to‘xtatgan bo‘lib, buning sababini Hamasning insonparvarlik yordamini o‘g‘irlashi bilan izohlagan edi.
Biroq, Hamas sulhning uzaytirilishiga qarshi chiqib, urushni butunlay to‘xtatish bo‘yicha muzokaralarning ikkinchi bosqichini boshlashga chaqirmoqda. Tashkilot asosiy talablar qatoriga falastinlik mahbuslarni ozod qilish, Isroil qo‘shinlarini G‘azodan olib chiqish, doimiy sulh o‘rnatish va bloklarni bekor qilishni kiritgan. Hamas vakillari Qohirada vositachilar bilan uchrashib, insonparvarlik yordamini yetkazish jarayonini tiklashni talab qilmoqda.
Isroil armiyasi G‘azoda havo hujumlarini kuchaytirib, yirik hujumga tayyorgarlik ko‘rilayotganini bildirdi. Yakshanba kuni Isroil harbiylari Shimoliy G‘azoda jangarilarni nishonga olganini xabar qildi. Shuningdek, Janubiy G‘azodagi Rafah shahrida gumon qilingan jangarilar guruhiga havo hujumi uyushtirildi.
Hamas siyosiy byurosi a’zosi Izzat al-Rishq: “G‘azoni oziq-ovqat, dori-darmon va suvdan mahrum qilganidan keyin elektrni uzib qo‘yish qarorini qabul qilib bo‘lmaydi. Bu xalqimiz va uning qarshiligiga bosim o‘tkazishning navbatdagi usuli,” – dedi.
Isroil sulhning birinchi bosqichini aprel o‘rtalarigacha uzaytirishga harakat qilmoqda. Yanvarda kuchga kirgan sulh o‘tgan hafta rasmiy tugagan edi. Isroil avvalroq G‘azoga barcha tovarlarning yetkazilishini to‘xtatgan bo‘lib, buning sababini Hamasning insonparvarlik yordamini o‘g‘irlashi bilan izohlagan edi.
Biroq, Hamas sulhning uzaytirilishiga qarshi chiqib, urushni butunlay to‘xtatish bo‘yicha muzokaralarning ikkinchi bosqichini boshlashga chaqirmoqda. Tashkilot asosiy talablar qatoriga falastinlik mahbuslarni ozod qilish, Isroil qo‘shinlarini G‘azodan olib chiqish, doimiy sulh o‘rnatish va bloklarni bekor qilishni kiritgan. Hamas vakillari Qohirada vositachilar bilan uchrashib, insonparvarlik yordamini yetkazish jarayonini tiklashni talab qilmoqda.
Isroil armiyasi G‘azoda havo hujumlarini kuchaytirib, yirik hujumga tayyorgarlik ko‘rilayotganini bildirdi. Yakshanba kuni Isroil harbiylari Shimoliy G‘azoda jangarilarni nishonga olganini xabar qildi. Shuningdek, Janubiy G‘azodagi Rafah shahrida gumon qilingan jangarilar guruhiga havo hujumi uyushtirildi.
Powered by Froala Editor