Iste’mol sektoridagi narxlarning yillik o‘sish darajasi qariyb 9 foizga yetdi

2023-yilning iyul oyida iste’mol sektoridagi tovarlar va xizmatlar o‘rtacha 0,2 foizga arzonlashgan. Bu haqda Statistika agentligi matbuot xizmati xabar berdi.

Qayd etilishicha, 2023-yilning iyul oyida narxlar va tariflarda oziq-ovqat mahsulotlari o‘rtacha 0,9 foizga arzonlashgan bo‘lsa, nooziq-ovqat tovarlari 0,3 foizga va aholiga pulli xizmatlar ko‘rsatish narxlari o‘rtacha 0,5 foizga oshgani kuzatilgan.

Iste’mol sektoridagi narxlarning yillik o‘sish darajasi 8,9 foizga yetgan. Yil boshidan buyon iste’mol sektoridagi narxlar indeksi o‘rtacha 3,3 foizga o‘sgan.

Powered by Froala Editor