Le Pen ishi: apellyatsiya saylovlar oldidan uning kelajagini hal qiladimi
Dunyo
Parij Apellyatsiya sudida Fransiyaning o‘ta o‘ng siyosiy kuchlari yetakchisi Marin Le Pen ishi bo‘yicha tinglovlar boshlandi. Sud qarori uning kelgusi yil bo‘lib o‘tadigan prezidentlik saylovlarida ishtirok etish imkoniyatini belgilashi mumkin.
Le Pen o‘tgan yil mart oyida chiqarilgan hukm ustidan shikoyat qilgan. Birinchi instansiya sudi uni Yevropa Parlamenti mablag‘laridan maqsadsiz foydalanganlikda aybdor deb topib, katta miqdorda jarima, to‘rt yilga ozodlikdan mahrum etish (ikki yili shartli, ikki yili uy qamog‘i) hamda saylovlarda qatnashish huquqidan mahrum qilish jazolarini belgilagan edi.
Aynan saylovlarda ishtirok etish taqiqi ishning eng muhim jihati hisoblanadi, chunki Fransiyada prezidentlik saylovlari kelasi yilda bo‘lib o‘tadi. Shunga qaramay, Marin Le Pen hanuzgacha asosiy nomzodlardan biri sifatida ko‘rilmoqda. Le Monde gazetasi e’lon qilgan so‘rovnoma natijalariga ko‘ra, fransuzlarning 40 foizdan ortig‘i uning siyosiy qarashlarini qo‘llab-quvvatlaydi.
Apellyatsiya jarayonining asosiy savoli — sud Le Pen uchun saylov taqiqini bekor qiladimi yoki yo‘q. Tinglovlar 12 fevralga qadar davom etadi, qaror esa yoz oylariga borib e’lon qilinishi kutilmoqda. Agar hukm o‘z kuchida qolsa, Le Pen Kassatsiya sudiga murojaat qilishi mumkin, biroq u saylovoldi kampaniyasi boshlanishiga qadar qaror chiqarmasligi ehtimoli ham mavjud.
Aynan saylovlarda ishtirok etish taqiqi ishning eng muhim jihati hisoblanadi, chunki Fransiyada prezidentlik saylovlari kelasi yilda bo‘lib o‘tadi. Shunga qaramay, Marin Le Pen hanuzgacha asosiy nomzodlardan biri sifatida ko‘rilmoqda. Le Monde gazetasi e’lon qilgan so‘rovnoma natijalariga ko‘ra, fransuzlarning 40 foizdan ortig‘i uning siyosiy qarashlarini qo‘llab-quvvatlaydi.
Apellyatsiya jarayonining asosiy savoli — sud Le Pen uchun saylov taqiqini bekor qiladimi yoki yo‘q. Tinglovlar 12 fevralga qadar davom etadi, qaror esa yoz oylariga borib e’lon qilinishi kutilmoqda. Agar hukm o‘z kuchida qolsa, Le Pen Kassatsiya sudiga murojaat qilishi mumkin, biroq u saylovoldi kampaniyasi boshlanishiga qadar qaror chiqarmasligi ehtimoli ham mavjud.
Powered by Froala Editor