Maduro 2027-yilda sud oldida javob beradi: ish yangi bosqichga o'tmoqda
Dunyo
Venesuelaning sobiq prezidenti Nikolas Maduro va uning rafiqasi Siliya Flores ustidan sud jarayoni rasman 2027-yil 1-iyunga belgilandi. Bo'lajak sud so'nggi yillardagi eng shov-shuvli xalqaro jinoiy ishlaridan biri bo'lishi kutilmoqda. Himoya tomoni esa ayblovlar hamda qo'lga olish qonuniyligini shubha ostiga qo'yishga tayyorlanmoqda.
AQSh federal sudi ushbu qarorni dastlabki sud majlisida qabul qildi. Taxminan 15 daqiqa davom etgan tinglov davomida na Maduro, na Flores bayonot berdi. Sud himoya tomonining iltimosiga binoan ishning keyingi jadvalini ham tasdiqladi. Sentyabr oyidan boshlab advokatlar ayblov xulosasini bekor qilish bo'yicha iltimosnomalar kiritishni rejalashtirmoqda.
Maduroning advokati Barri Pollak birinchi navbatda davlat immuniteti tamoyiliga tayanishini ma'lum qildi. Shuningdek, himoya sobiq prezidentning Karakasda AQSh harbiylari tomonidan qo'lga olinishi noqonuniy bo'lganini va bu holat o'g'irlash sifatida baholanishi kerakligini ta'kidlamoqda.
Maduro va Flores yanvar oyidan buyon hibsda saqlanmoqda. Ularga xalqaro narkotik savdosi, qurol bilan bog'liq jinoyatlar hamda boshqa ayblovlar qo'yilgan. Aybi isbotlansa, ularga umrbod ozodlikdan mahrum etish jazosi tayinlanishi mumkin. Har ikki ayblanuvchi o'z aybini rad etmoqda va garov evaziga ozod etishni so'ramagan.
AQSh tergovi talqiniga ko'ra, Maduro Venesuela kuch tuzilmalari vakillari bilan til biriktirib, AQShga yirik hajmdagi kokain yetkazib berish sxemasida ishtirok etgan. Donald Tramp ma'muriyati uni qo'lga olish operatsiyasini muvaffaqiyatli huquqni muhofaza qilish amaliyoti deb atagan bo'lsa, sobiq prezident o'zini "harbiy asir" deb hisoblashda davom etmoqda.
Maduroning advokati Barri Pollak birinchi navbatda davlat immuniteti tamoyiliga tayanishini ma'lum qildi. Shuningdek, himoya sobiq prezidentning Karakasda AQSh harbiylari tomonidan qo'lga olinishi noqonuniy bo'lganini va bu holat o'g'irlash sifatida baholanishi kerakligini ta'kidlamoqda.
Maduro va Flores yanvar oyidan buyon hibsda saqlanmoqda. Ularga xalqaro narkotik savdosi, qurol bilan bog'liq jinoyatlar hamda boshqa ayblovlar qo'yilgan. Aybi isbotlansa, ularga umrbod ozodlikdan mahrum etish jazosi tayinlanishi mumkin. Har ikki ayblanuvchi o'z aybini rad etmoqda va garov evaziga ozod etishni so'ramagan.
AQSh tergovi talqiniga ko'ra, Maduro Venesuela kuch tuzilmalari vakillari bilan til biriktirib, AQShga yirik hajmdagi kokain yetkazib berish sxemasida ishtirok etgan. Donald Tramp ma'muriyati uni qo'lga olish operatsiyasini muvaffaqiyatli huquqni muhofaza qilish amaliyoti deb atagan bo'lsa, sobiq prezident o'zini "harbiy asir" deb hisoblashda davom etmoqda.
Powered by Froala Editor