Mirziyoyev Toqayevni bir palatali Qurultoyga ilk saylovlar o‘tkazilgani bilan tabrikladi
Siyosat
O‘zbekiston Prezidenti Shavkat Mirziyoyev Qozog‘iston Prezidenti Qosim-Jo‘mart Toqayev bilan telefon orqali muloqot qilib, uni mamlakat tarixida ilk bor bir palatali Qurultoyga o‘tkazilgan saylovlarning muvaffaqiyatli yakunlangani bilan tabrikladi. Davlat rahbarlari, shuningdek, O‘zbekiston-Qozog‘iston munosabatlarini yanada rivojlantirishning asosiy yo‘nalishlarini ko‘rib chiqdilar.
Shavkat Mirziyoyev yangi Qurultoy Qozog‘istonda izchil islohotlarni ilgari surishda muhim omil bo‘lishi, keng ko‘lamli o‘zgarishlarni qonunchilik jihatidan ta’minlashi va mamlakatning barqaror rivojlanishiga yangi sur’at bag‘ishlashiga ishonch bildirdi.
Qosim-Jo‘mart Toqayev o‘z navbatida O‘zbekistondagi hamkasbiga mamlakatda amalga oshirilayotgan ichki siyosiy islohotlar haqida ma’lumot berdi. Uning ta’kidlashicha, Qurultoy zamonaviy va adolatli Qozog‘istonni barpo etishga qaratilgan davomiy siyosiy islohotlarning muhim qismidir.
Muloqot davomida iqtisodiy hamkorlikka alohida e’tibor qaratildi. Tomonlar o‘zaro savdoni kengaytirish, sanoat kooperatsiyasini rivojlantirish va qo‘shma investitsiya loyihalarini amalga oshirish bo‘yicha ishlarni davom ettirishga kelishib oldilar.
Transport-logistika aloqalarini rivojlantirish, shuningdek, ikki mamlakat ishbilarmon doiralari va hududlari o‘rtasidagi aloqalarni faollashtirish ham ustuvor yo‘nalishlar sifatida qayd etildi. Bu borada yangi hamkorlik imkoniyatlarini yaratish va qo‘shma tashabbuslarni ilgari surishga e’tibor qaratiladi.
Qosim-Jo‘mart Toqayev saylovlarni kuzatishda, jumladan, xalqaro tashkilotlar tarkibida ishtirok etgan O‘zbekiston kuzatuvchilar missiyasini yuborgani va ko‘rsatgan ko‘magi uchun Shavkat Mirziyoyevga minnatdorlik bildirdi.
Suhbat yakunida davlat rahbarlari mintaqaviy va xalqaro kun tartibidagi dolzarb masalalar yuzasidan fikr almashdilar.
Qosim-Jo‘mart Toqayev o‘z navbatida O‘zbekistondagi hamkasbiga mamlakatda amalga oshirilayotgan ichki siyosiy islohotlar haqida ma’lumot berdi. Uning ta’kidlashicha, Qurultoy zamonaviy va adolatli Qozog‘istonni barpo etishga qaratilgan davomiy siyosiy islohotlarning muhim qismidir.
Muloqot davomida iqtisodiy hamkorlikka alohida e’tibor qaratildi. Tomonlar o‘zaro savdoni kengaytirish, sanoat kooperatsiyasini rivojlantirish va qo‘shma investitsiya loyihalarini amalga oshirish bo‘yicha ishlarni davom ettirishga kelishib oldilar.
Transport-logistika aloqalarini rivojlantirish, shuningdek, ikki mamlakat ishbilarmon doiralari va hududlari o‘rtasidagi aloqalarni faollashtirish ham ustuvor yo‘nalishlar sifatida qayd etildi. Bu borada yangi hamkorlik imkoniyatlarini yaratish va qo‘shma tashabbuslarni ilgari surishga e’tibor qaratiladi.
Qosim-Jo‘mart Toqayev saylovlarni kuzatishda, jumladan, xalqaro tashkilotlar tarkibida ishtirok etgan O‘zbekiston kuzatuvchilar missiyasini yuborgani va ko‘rsatgan ko‘magi uchun Shavkat Mirziyoyevga minnatdorlik bildirdi.
Suhbat yakunida davlat rahbarlari mintaqaviy va xalqaro kun tartibidagi dolzarb masalalar yuzasidan fikr almashdilar.
Powered by Froala Editor