O‘zbekiston Markaziy banki xalqaro zaxiralarni tashqi boshqaruvga o‘tkazishga tayyorlanmoqda
Iqtisodiyot
O‘zbekiston Markaziy banki xalqaro zaxiralarning bir qismini tashqi boshqaruvga berish imkoniyatini ko‘rib chiqmoqda. Bu haqda Markaziy bank boshqaruvi raisi Timur Ishmetov 18-sentabr kuni Toshkentda o‘tkazilgan davlat aktivlarini boshqarish bo‘yicha birinchi Xalqaro forumda ma’lum qildi.
Ishmetovning so‘zlariga ko‘ra, 1-sentabr holatiga O‘zbekistonning valyuta va oltin zaxiralari $72 mlrdni tashkil etgan. Bu hajm mamlakat importini bir yildan ortiq muddat qoplash imkonini beradi. Birinchi yarim yillikda O‘zbekiston oltin zaxiralarini qariyb 50 tonnaga oshirdi. Jahon Oltin Kengashi ma’lumotlariga ko‘ra, bu markaziy banklar orasidagi ikkinchi eng katta o‘sishdir.
O‘zbekiston oltin ishlab chiqaruvchi mamlakat bo‘lgani sababli ushbu metall zaxiralar tarkibida an’anaviy ravishda katta ulushga ega. Shu bilan birga, Markaziy bank portfel tarkibini bosqichma-bosqich kengaytirmoqda. 2020-yilda regulyator Jahon bankining zaxiralarni maslahat va boshqarish bo‘yicha hamkorlik dasturiga qo‘shilgan, 2024-yilda esa ilk bor AQSh g‘aznachilik obligatsiyalarini sotib olgan.
«Biz aktivlar sinflari, valyutalar va kontragentlar bo‘yicha yanada diversifikatsiya qilish sari harakat qilmoqchimiz», — dedi Ishmetov.
Keyingi yo‘nalishlardan biri portfelning bir qismini tashqi boshqaruvga berish bo‘ladi. Uning ta’kidlashicha, bu Markaziy bank mutaxassislariga dunyoning yetakchi professional boshqaruvchilari bilan birga ishlash va ularning tajribasini o‘zlashtirish imkonini beradi.
Jahon zaxiralari tarkibida ham o‘zgarishlar kuzatilmoqda. World Gold Council’ning 2026-yilgi so‘roviga ko‘ra, markaziy banklarning 89 foizi kelgusi 12 oyda jahon oltin zaxiralari oshishini kutmoqda, 45 foizi esa o‘z zaxiralarini ko‘paytirishni rejalashtirmoqda. Respondentlarning 74 foizi kelgusi besh yilda jahon zaxiralarida dollar ulushi kamayishini kutmoqda.
Ishmetov uchta asosiy savol hali ochiq qolayotganini qayd etdi: davlat balansida bitta aktivning qanchalik yuqori konsentratsiyasiga yo‘l qo‘yish mumkinligi, zaxiralar barqarorligini amalda qanday ta’minlash va odatiy o‘zaro bog‘liqliklar o‘zgargan sharoitda aktivlarning strategik tuzilmasi qanday bo‘lishi kerakligi.
«Uchala savol bo‘yicha ham o‘z qarashlarimiz bor. Ammo ularning hech biri bo‘yicha yakuniy javobimiz yo‘q», — dedi Markaziy bank raisi.
O‘zbekiston oltin ishlab chiqaruvchi mamlakat bo‘lgani sababli ushbu metall zaxiralar tarkibida an’anaviy ravishda katta ulushga ega. Shu bilan birga, Markaziy bank portfel tarkibini bosqichma-bosqich kengaytirmoqda. 2020-yilda regulyator Jahon bankining zaxiralarni maslahat va boshqarish bo‘yicha hamkorlik dasturiga qo‘shilgan, 2024-yilda esa ilk bor AQSh g‘aznachilik obligatsiyalarini sotib olgan.
«Biz aktivlar sinflari, valyutalar va kontragentlar bo‘yicha yanada diversifikatsiya qilish sari harakat qilmoqchimiz», — dedi Ishmetov.
Keyingi yo‘nalishlardan biri portfelning bir qismini tashqi boshqaruvga berish bo‘ladi. Uning ta’kidlashicha, bu Markaziy bank mutaxassislariga dunyoning yetakchi professional boshqaruvchilari bilan birga ishlash va ularning tajribasini o‘zlashtirish imkonini beradi.
Jahon zaxiralari tarkibida ham o‘zgarishlar kuzatilmoqda. World Gold Council’ning 2026-yilgi so‘roviga ko‘ra, markaziy banklarning 89 foizi kelgusi 12 oyda jahon oltin zaxiralari oshishini kutmoqda, 45 foizi esa o‘z zaxiralarini ko‘paytirishni rejalashtirmoqda. Respondentlarning 74 foizi kelgusi besh yilda jahon zaxiralarida dollar ulushi kamayishini kutmoqda.
Ishmetov uchta asosiy savol hali ochiq qolayotganini qayd etdi: davlat balansida bitta aktivning qanchalik yuqori konsentratsiyasiga yo‘l qo‘yish mumkinligi, zaxiralar barqarorligini amalda qanday ta’minlash va odatiy o‘zaro bog‘liqliklar o‘zgargan sharoitda aktivlarning strategik tuzilmasi qanday bo‘lishi kerakligi.
«Uchala savol bo‘yicha ham o‘z qarashlarimiz bor. Ammo ularning hech biri bo‘yicha yakuniy javobimiz yo‘q», — dedi Markaziy bank raisi.
Powered by Froala Editor