O‘zbekiston va Fransiya o‘rtasida strategik sheriklik munosabatlari o‘rnatildi
O'zbekiston
Prezident Shavkat Mirziyoyevning Parijga tashrifi chog‘ida ikki davlat rahbarlari Strategik sheriklik to‘g‘risidagi qo‘shma deklaratsiyani imzoladilar. Tomonlar 6,5 milliard yevro investitsiya kiritish, O‘zbekiston-Fransiya universitetini tashkil etish, energetika, transport, madaniyat va ta’lim sohalarida qo‘shma loyihalarni rivojlantirishga kelishib oldi.
Yelisey saroyida O‘zbekiston Respublikasi Prezidenti Shavkat Mirziyoyev va Fransiya Respublikasi Prezidenti Emmanuel Makronning muzokaralari bo‘lib o‘tdi. Uchrashuv yakunida ikki mamlakat o‘rtasidagi munosabatlarni yangi bosqichga olib chiquvchi Strategik sheriklik to‘g‘risidagi qo‘shma deklaratsiya imzolandi.
Hamkorlikning asosiy yo‘nalishlari quyidagilar bo‘ldi:
Iqtisodiyot va investitsiyalar - Fransiyaning yetakchi kompaniyalari bilan energetika, infratuzilma, transport va mineral xomashyo qazib olish sohalarida 6,5 milliard yevrolik bitimlar imzolandi. Qo‘shma loyihalarning umumiy portfeli 12 milliard yevroga yetdi.
Ta’lim - Toshkentda O‘zbek-Fransuz universitetini tashkil etish, shuningdek, fransuz tilini o‘qitish dasturlarini rivojlantirish bo‘yicha kelishuvga erishildi.
Madaniyat va fan - O‘zbekiston Savitskiy muzeyi kolleksiyasidan avangard ko‘rgazmasini qabul qiladi, Fransiyada yodgorliklarni asrab-avaylash bo‘yicha hamkorlikda ishlash uchun Meros instituti vakolatxonasi ochiladi.
Diplomatiya - diplomatlar uchun vizasiz rejim, talabalar va mutaxassislar mobilligi to‘g‘risidagi bitimlar, shuningdek, ikki mamlakat Tashqi ishlar vazirliklari o‘rtasida 2025-2026 yillarga mo‘ljallangan hamkorlik dasturi imzolandi.
Xavfsizlik - tomonlar terrorizm, ekstremizm va kiberjinoyatchilikka qarshi birgalikda kurashishga kelishib oldilar. Harakatlarni muvofiqlashtirish uchun Strategik rejalashtirish guruhi tuziladi.
Yetakchilar xalqaro kun tartibi va mintaqaviy xavfsizlik masalalarini ham muhokama qildilar. Uchrashuv yakunida Shavkat Mirziyoyev Emmanuel Makronni rasmiy tashrif bilan O‘zbekistonga kelishga taklif etdi.
Hamkorlikning asosiy yo‘nalishlari quyidagilar bo‘ldi:
Iqtisodiyot va investitsiyalar - Fransiyaning yetakchi kompaniyalari bilan energetika, infratuzilma, transport va mineral xomashyo qazib olish sohalarida 6,5 milliard yevrolik bitimlar imzolandi. Qo‘shma loyihalarning umumiy portfeli 12 milliard yevroga yetdi.
Ta’lim - Toshkentda O‘zbek-Fransuz universitetini tashkil etish, shuningdek, fransuz tilini o‘qitish dasturlarini rivojlantirish bo‘yicha kelishuvga erishildi.
Madaniyat va fan - O‘zbekiston Savitskiy muzeyi kolleksiyasidan avangard ko‘rgazmasini qabul qiladi, Fransiyada yodgorliklarni asrab-avaylash bo‘yicha hamkorlikda ishlash uchun Meros instituti vakolatxonasi ochiladi.
Diplomatiya - diplomatlar uchun vizasiz rejim, talabalar va mutaxassislar mobilligi to‘g‘risidagi bitimlar, shuningdek, ikki mamlakat Tashqi ishlar vazirliklari o‘rtasida 2025-2026 yillarga mo‘ljallangan hamkorlik dasturi imzolandi.
Xavfsizlik - tomonlar terrorizm, ekstremizm va kiberjinoyatchilikka qarshi birgalikda kurashishga kelishib oldilar. Harakatlarni muvofiqlashtirish uchun Strategik rejalashtirish guruhi tuziladi.
Yetakchilar xalqaro kun tartibi va mintaqaviy xavfsizlik masalalarini ham muhokama qildilar. Uchrashuv yakunida Shavkat Mirziyoyev Emmanuel Makronni rasmiy tashrif bilan O‘zbekistonga kelishga taklif etdi.
Powered by Froala Editor