O‘zbekistonda taksi bozorida 5 trln so‘mlik aylanma qayd etildi

Milliy statistika qo‘mitasi ma’lumotlariga ko‘ra, 2025-yilning birinchi 7 oyi davomida taksi xizmatlari orqali 262,2 mln safar amalga oshirilgan. Ushbu xizmatlar orqali 5 trln so‘m aylanma qayd etilgan.

Taksilar faoliyatini rasmiylashtirgan agregatorlar soni 215 taga yetgan (2024 yilda — 155 ta).

To‘lovlarning 76,3% — naqd shaklda, 27,8% — naqd pulsiz amalga oshirilgan. O‘rtacha bir chek qiymati 19 ming so‘mdan oshgan (2024-yilda — 18 456 so‘m).

Taksichilik bilan shug‘ullanuvchi 457,3 ming nafar haydovchining:

• 56,3% — 30–50 yosh oralig‘ida;
• 36,3% — 30 yoshgacha;
• 7% — 50 yoshdan katta;
• 3,48 ming nafari — ayollar.

Faqat 0,4% haydovchi (1 830 kishi) 100 mln so‘mdan ko‘p daromad qilgan. Haydovchilarning yarmidan ko‘pi 5 mln so‘mdan kam topgan. Doimiy taksichilik bilan faqat 6,5% shug‘ullanadi.

Haydovchilar daromadi bo‘yicha:

• 1 mln so‘mgacha — 140,2 ming
• 1–5 mln — 122,8 ming
• 5–10 mln — 59,4 ming
• 10–50 mln — 113,7 ming
• 50–100 mln — 19,1 ming
• 100 mln dan ortiq — 1,8 ming

Eng mashhur avtomobillar:

• Cobalt — 23,5%
• Nexia — 21,5%
• Lacetti — 16,9%
• Spark — 12,2%
• Matiz — 8,5%

Avtoparkning atigi 1,8% qismi elektromobillar. 10 yildan eski mashinalar — 27,7%, ko‘pchilik mashinalar 1–5 yillik.

Agregatorlar tomonidan 98,8 mlrd so‘m soliq to‘langan, shundan 55,4 mlrd so‘m — QQS.

Powered by Froala Editor