O‘zbekistonda tarixiy aholi ro‘yxati boshlandi
O'zbekiston
15-yanvar kuni O‘zbekistonda aholi va qishloq xo‘jaligi bo‘yicha umumiy ro‘yxatga olish boshlandi. Bu mamlakat mustaqillikka erishganidan beri o‘tkazilayotgan ilk keng qamrovli ro‘yxat bo‘lib, u 26-fevralga qadar davom etadi va taxminan 38 million kishini qamrab oladi.
Ro‘yxatga olishning maqsadi — aholining soni va tarkibi, migratsiya, oilaviy holat, bandlik va daromad manbalari, shuningdek qishloq xo‘jaligining tuzilmasi va holati haqida aniq ma’lumotlarni yig‘ishdir. Bir yildan ortiq vaqt davomida mamlakatda bo‘lmagan fuqarolar ro‘yxatga kiritilmaydi.
Dastlabki 17 kun davomida ma’lumotlar internet orqali yig‘iladi. Keyingi bir oyda esa uyma-uy va xonadonma-xonadon yurish usuli qo‘llaniladi, bunda “mahalla yettiligi” vakillari ham ishtirok etadi. Barcha ro‘yxatchilar maxsus planshetlardan foydalanadi.
Ro‘yxatga olishda ishtirok etayotgan fuqarolarga bir martalik rag‘bat puli — eng kam ish haqining 1,5 baravari, ya’ni taxminan 1,9 mln so‘m (qariyb 153 AQSh dollari) to‘lanadi.
O‘zbekistonda so‘nggi aholi ro‘yxati 1989 yilda, SSSR davrida o‘tkazilgan edi. So‘nggi yillarda ushbu yo‘nalishda huquqiy va tashkiliy ishlar kuchaytirildi. Raqamli texnologiyalarga o‘tish hisobiga loyiha qiymati 100 mln dollardan 64 mln dollargacha kamaytirildi va ro‘yxatchilar soni keskin qisqartirildi.
Dastlabki 17 kun davomida ma’lumotlar internet orqali yig‘iladi. Keyingi bir oyda esa uyma-uy va xonadonma-xonadon yurish usuli qo‘llaniladi, bunda “mahalla yettiligi” vakillari ham ishtirok etadi. Barcha ro‘yxatchilar maxsus planshetlardan foydalanadi.
Ro‘yxatga olishda ishtirok etayotgan fuqarolarga bir martalik rag‘bat puli — eng kam ish haqining 1,5 baravari, ya’ni taxminan 1,9 mln so‘m (qariyb 153 AQSh dollari) to‘lanadi.
O‘zbekistonda so‘nggi aholi ro‘yxati 1989 yilda, SSSR davrida o‘tkazilgan edi. So‘nggi yillarda ushbu yo‘nalishda huquqiy va tashkiliy ishlar kuchaytirildi. Raqamli texnologiyalarga o‘tish hisobiga loyiha qiymati 100 mln dollardan 64 mln dollargacha kamaytirildi va ro‘yxatchilar soni keskin qisqartirildi.
Powered by Froala Editor