О‘zbekistonlik sabliyachilar Hindistondan jamoaviy bronza medalini olib kelishmoqda
Sport
Qilichbozlik bo‘yicha O‘zbekiston ayollar terma jamoasi Hindistonda bo‘lib o‘tayotgan Osiyo chempionatining jamoaviy bahslarida bronza medallarini qo‘lga kiritdi. Zaynab Dayibekova, Guliston Perdibayeva, Fernanda Errera va Ayakoz Jumamuratovadan iborat milliy to‘rtlik turnirning yarim final bosqichigacha muvaffaqiyatli yetib bordi va u yerda shiddatli kechgan bahsda Janubiy Koreya terma jamoasiga imkoniyatni boy berib, shohsupaning uchinchi pog‘onasini band etdi.
Qit’a chempionati doirasidagi bellashuvlar bilan bir vaqtda, Osiyo qilichbozlik konfederatsiyasi tomonidan yakunlangan 2024/2025-yilgi sport mavsumi laureatlarini rasmiy taqdirlash marosimi ham o‘tkazildi. O‘zbekistonlik Dilorom Turdiqulovaning shpaga yo‘nalishidagi bahslarda Osiyoning eng yaxshi hakami deb topilishi respublika uchun muhim voqea bo‘ldi. Ushbu ikki karra muvaffaqiyat mamlakatda sportchilar mahoratining oshishi bilan bir qatorda, yuqori saviyadagi hakamlik uchun xalqaro kadrlar ham shakllanayotganini hamda ushbu olimpiada sport turining kompleks rivojlanayotganini ko‘rsatadi.
Powered by Froala Editor