Qozog‘iston Janubi-Sharqiy Osiyo bilan iqtisodiy muloqotni kuchaytirmoqda
Iqtisodiyot
Qozog‘iston Janubi-Sharqiy Osiyo mamlakatlari bilan savdo, investitsiyalar, turizm va raqamli hamkorlikni rivojlantirishga alohida e’tibor qaratmoqda. Prezident Qosim-Jomart Toqayevning Tailand va Kambodja hukumat rahbarlari bilan o‘tkazgan muzokaralari uzoq muddatli sheriklikni yanada mustahkamlashga qaratilgan o‘zaro manfaatdorlikni tasdiqladi.
Jahon sun’iy intellekt konferensiyasi doirasida Qozog‘iston Prezidenti Tailand Bosh vaziri Anutin Charnvirakul hamda Kambodja Bosh vaziri Xun Manet bilan uchrashdi. Muzokaralarda savdo-iqtisodiy aloqalarni kengaytirish, tovar ayirboshlash hajmini oshirish, turizmni rivojlantirish va yangi hamkorlik yo‘nalishlarini izlash masalalari muhokama qilindi.
Tailand bilan uchrashuvda Toqayev Bangkokni Janubi-Sharqiy Osiyodagi muhim strategik hamkorlardan biri deb atadi. 2026-yilning dastlabki to‘rt oyida o‘zaro savdo hajmi 76 foizga oshib, 110 million dollardan ortdi. Prezident qishloq xo‘jaligi mahsulotlari eksportini kengaytirish orqali bu ko‘rsatkichni yanada oshirish mumkinligini ta’kidladi. Tomonlar turizm sohasidagi hamkorlikka ham alohida e’tibor qaratdi. 2025-yilda Tailandga 150 mingdan ortiq Qozog‘iston fuqarosi tashrif buyurgan.
Kambodja bilan muzokaralarda qishloq xo‘jaligi, to‘qimachilik, qurilish, transport, logistika, oziq-ovqat sanoati va turizm yo‘nalishlarida hamkorlik istiqbollari muhokama qilindi. Qozog‘iston ushbu mamlakatga don, o‘g‘it va boshqa qishloq xo‘jaligi mahsulotlari eksportini kengaytirishga tayyorligini bildirdi.
Shuningdek, raqamli transformatsiya masalalari ham kun tartibidan o‘rin oldi. Qozog‘iston elektron hukumat va zamonaviy davlat xizmatlarini rivojlantirish borasidagi tajribasini bo‘lishishga tayyor ekanini ma’lum qildi.
Tailand bilan uchrashuvda Toqayev Bangkokni Janubi-Sharqiy Osiyodagi muhim strategik hamkorlardan biri deb atadi. 2026-yilning dastlabki to‘rt oyida o‘zaro savdo hajmi 76 foizga oshib, 110 million dollardan ortdi. Prezident qishloq xo‘jaligi mahsulotlari eksportini kengaytirish orqali bu ko‘rsatkichni yanada oshirish mumkinligini ta’kidladi. Tomonlar turizm sohasidagi hamkorlikka ham alohida e’tibor qaratdi. 2025-yilda Tailandga 150 mingdan ortiq Qozog‘iston fuqarosi tashrif buyurgan.
Kambodja bilan muzokaralarda qishloq xo‘jaligi, to‘qimachilik, qurilish, transport, logistika, oziq-ovqat sanoati va turizm yo‘nalishlarida hamkorlik istiqbollari muhokama qilindi. Qozog‘iston ushbu mamlakatga don, o‘g‘it va boshqa qishloq xo‘jaligi mahsulotlari eksportini kengaytirishga tayyorligini bildirdi.
Shuningdek, raqamli transformatsiya masalalari ham kun tartibidan o‘rin oldi. Qozog‘iston elektron hukumat va zamonaviy davlat xizmatlarini rivojlantirish borasidagi tajribasini bo‘lishishga tayyor ekanini ma’lum qildi.
Powered by Froala Editor