Saksoniya-Anhaltdagi AfD g‘alabasi Fransiya o‘ng radikallari o‘rtasidagi tafovutni ko‘rsatdi
Dunyo
«Germaniya uchun muqobil» (AfD) partiyasining Saksoniya-Anhaltdagi ishonchli g‘alabasi Fransiya o‘ng radikal kuchlarining nemis partiyasiga munosabatidagi farqni ko‘rsatdi. Marine Le Pen va Jordan Bardella boshchiligidagi «Milliy birlashma» undan uzoqlashishni afzal ko‘rgan bo‘lsa, Erik Zemmourning Reconquête! partiyasi natijani ochiq olqishladi.
AfD 43,8% ovoz oldi va kansler Fridrix Mertsning Xristian-demokratik ittifoqidan sezilarli ustun keldi. CDU 17,2% ovoz to‘pladi. Le Pen va Bardella AfD g‘alabasiga ommaviy munosabat bildirmadi.
«Milliy birlashma»ning Yevroparlamentdagi deputati Per-Romen Tionne natijani kutilmagan holat emasligini aytdi. Uning fikricha, AfD «ommaviy immigratsiya, milliy o‘zlikni yo‘qotish, ijtimoiy va sanoat tanazzuli» kabi asosiy partiyalar yetarlicha shug‘ullanmagan mavzular hisobiga muvaffaqiyat qozongan. Uning aytishicha, bu «an’anaviy partiyalarning Yevropa xalqlarining intilishlarini haqiqatan ham ifoda etuvchi siyosiy kuchlar foydasiga qulashi»ni ko‘rsatadi.
Shu bilan birga, Tionne «Milliy birlashma»ning Yevroparlamentda AfD bilan ittifoqchi bo‘lmaslik qarori «o‘zgarishsiz qolishini» ta’kidladi. U nemis partiyasining tarixiy va xotira masalalaridagi pozitsiyalari, shuningdek, tashqi siyosat bo‘yicha jiddiy tafovutlarni sabab sifatida ko‘rsatdi.
Partiyalar o‘rtasidagi ziddiyat 2024-yilgi Yevroparlament saylovlari oldidan AfD vakillari atrofidagi qator mojarolardan keyin kuchaydi. 2024-yil may oyida «Identitet va demokratiya» fraksiyasi AfDni chiqarib yubordi. Keyinchalik nemis partiyasi «Suveren davlatlar Yevropasi» fraksiyasini tuzishda ishtirok etdi.
Reconquête! esa saylov natijalarini ochiq qo‘llab-quvvatladi. Yevroparlament deputati Sara Knafo natijani «tarixiy», Erik Zemmour esa «haqiqat soati» deb atadi.
Sciences Po siyosatshunoslik professori Jil Ivaldi Reconquête! strategiyasi AfD yo‘nalishiga ancha yaqinligini aytdi. Uning fikricha, «Milliy birlashma» 2027-yilgi prezidentlik saylovlari oldidan imijini normallashtirish uchun dasturini yumshatmoqda, Zemmour esa ancha radikal yo‘lni tanlagan.
«Milliy birlashma»ning Yevroparlamentdagi deputati Per-Romen Tionne natijani kutilmagan holat emasligini aytdi. Uning fikricha, AfD «ommaviy immigratsiya, milliy o‘zlikni yo‘qotish, ijtimoiy va sanoat tanazzuli» kabi asosiy partiyalar yetarlicha shug‘ullanmagan mavzular hisobiga muvaffaqiyat qozongan. Uning aytishicha, bu «an’anaviy partiyalarning Yevropa xalqlarining intilishlarini haqiqatan ham ifoda etuvchi siyosiy kuchlar foydasiga qulashi»ni ko‘rsatadi.
Shu bilan birga, Tionne «Milliy birlashma»ning Yevroparlamentda AfD bilan ittifoqchi bo‘lmaslik qarori «o‘zgarishsiz qolishini» ta’kidladi. U nemis partiyasining tarixiy va xotira masalalaridagi pozitsiyalari, shuningdek, tashqi siyosat bo‘yicha jiddiy tafovutlarni sabab sifatida ko‘rsatdi.
Partiyalar o‘rtasidagi ziddiyat 2024-yilgi Yevroparlament saylovlari oldidan AfD vakillari atrofidagi qator mojarolardan keyin kuchaydi. 2024-yil may oyida «Identitet va demokratiya» fraksiyasi AfDni chiqarib yubordi. Keyinchalik nemis partiyasi «Suveren davlatlar Yevropasi» fraksiyasini tuzishda ishtirok etdi.
Reconquête! esa saylov natijalarini ochiq qo‘llab-quvvatladi. Yevroparlament deputati Sara Knafo natijani «tarixiy», Erik Zemmour esa «haqiqat soati» deb atadi.
Sciences Po siyosatshunoslik professori Jil Ivaldi Reconquête! strategiyasi AfD yo‘nalishiga ancha yaqinligini aytdi. Uning fikricha, «Milliy birlashma» 2027-yilgi prezidentlik saylovlari oldidan imijini normallashtirish uchun dasturini yumshatmoqda, Zemmour esa ancha radikal yo‘lni tanlagan.
Powered by Froala Editor