Saudiya Arabistoni Suriyaning qarzlarini to‘lab bermoqchi
Dunyo
Saudiya Arabistoni Suriyaning Jahon banki oldidagi qarzlarini to‘lashni rejalashtirmoqda. Bu qaror Suriyani qayta qurish jarayonini moliyalashtirish uchun millionlab dollarlik grantlarni tasdiqlash yo‘lini ochib berishi mumkin.
Bu rejalar ilgari e’lon qilinmagan bo‘lib, Saudiya Arabistonining Suriyani moliyaviy qo‘llab-quvvatlashdagi ilk holatidir. Bu avvalgi yetakchi Bashar al-Assad 2024-yilda islomiy guruhlar boshchiligidagi isyonchilar tomonidan ag‘darilganidan keyingi ilk yordam bo‘ladi.
Bu, shuningdek, Fors ko‘rfazi arab davlatlarining Suriyaga berayotgan strategik yordamining nihoyat amalga oshayotganidan darak bo‘lishi mumkin. Ilgari Qatar maoshlarni moliyalashtirish tashabbusini ilgari surgan edi, biroq AQSh sanksiyalari sababli bu tashabbus to‘xtab qolgan edi.
O‘tgan oy Qatar Iordaniya orqali Suriyaga gaz yetkazib berish rejasi haqida e’lon qildi, bu mamlakatning kuchsiz elektr ta’minotini yaxshilashga qaratilgan. Manbalar Reuters agentligiga bu harakatga AQSh rozilik bildirganini aytishdi.
Suriya Jahon bankiga qariyb 15 million dollarlik qarzdor bo‘lib, bu qarzlar to‘lanmas ekan, ushbu xalqaro moliyaviy muassasa grantlar va boshqa yordamlarni tasdiqlay olmaydi.
Biroq Damashqda xorijiy valyuta zaxiralari yetishmayapti. Ilgari chet elda muzlatilgan aktivlardan foydalangan holda qarzni to‘lash rejalashtirilgan edi, lekin bu amalga oshmadi.
Manbalarga ko‘ra, Jahon banki vakillari Suriyaning urush yillarida jiddiy zararga uchragan elektr tarmog‘ini qayta tiklash hamda davlat xizmatchilarining maoshlarini qo‘llab-quvvatlash uchun moliyaviy yordam ko‘rsatishni muhokama qilgan.
Dushanba kuni Jahon bankining texnik delegatsiyasi Suriya moliya vaziri Muhammad Yusr Berniy bilan uchrashuv o‘tkazdi. Bu Jahon banki va Suriya hukumati o‘rtasidagi ilk ochiq uchrashuv bo‘lib, tomonlar o‘zaro moliyaviy va iqtisodiy aloqalarni mustahkamlash masalasini muhokama qilishdi.
Bu, shuningdek, Fors ko‘rfazi arab davlatlarining Suriyaga berayotgan strategik yordamining nihoyat amalga oshayotganidan darak bo‘lishi mumkin. Ilgari Qatar maoshlarni moliyalashtirish tashabbusini ilgari surgan edi, biroq AQSh sanksiyalari sababli bu tashabbus to‘xtab qolgan edi.
O‘tgan oy Qatar Iordaniya orqali Suriyaga gaz yetkazib berish rejasi haqida e’lon qildi, bu mamlakatning kuchsiz elektr ta’minotini yaxshilashga qaratilgan. Manbalar Reuters agentligiga bu harakatga AQSh rozilik bildirganini aytishdi.
Suriya Jahon bankiga qariyb 15 million dollarlik qarzdor bo‘lib, bu qarzlar to‘lanmas ekan, ushbu xalqaro moliyaviy muassasa grantlar va boshqa yordamlarni tasdiqlay olmaydi.
Biroq Damashqda xorijiy valyuta zaxiralari yetishmayapti. Ilgari chet elda muzlatilgan aktivlardan foydalangan holda qarzni to‘lash rejalashtirilgan edi, lekin bu amalga oshmadi.
Manbalarga ko‘ra, Jahon banki vakillari Suriyaning urush yillarida jiddiy zararga uchragan elektr tarmog‘ini qayta tiklash hamda davlat xizmatchilarining maoshlarini qo‘llab-quvvatlash uchun moliyaviy yordam ko‘rsatishni muhokama qilgan.
Dushanba kuni Jahon bankining texnik delegatsiyasi Suriya moliya vaziri Muhammad Yusr Berniy bilan uchrashuv o‘tkazdi. Bu Jahon banki va Suriya hukumati o‘rtasidagi ilk ochiq uchrashuv bo‘lib, tomonlar o‘zaro moliyaviy va iqtisodiy aloqalarni mustahkamlash masalasini muhokama qilishdi.
Powered by Froala Editor