Saudiya Haj va Umra vaziri O‘zbekistonga tashrif buyurdi
O'zbekiston
Saudiya Arabistoni Haj va Umra vaziri doktor Tavfiq bin Favzon ar-Rabi’a rasmiy tashrif bilan O‘zbekistonga keldi. Safarning asosiy maqsadi – haj va umra ziyoratlarini tashkil etish bo‘yicha hamkorlikni mustahkamlash hamda sharoitlarni yaxshilash.
Ikki kun davom etadigan tashrif doirasida tomonlar o‘zbek ziyoratchilariga xizmat ko‘rsatish tizimini takomillashtirish chora-tadbirlarini muhokama qiladi. O‘zbekistonliklar Makkai Mukarrama va Madinai Munavvaraga eng ko‘p tashrif buyuruvchi xalq sifatida alohida e’tiborga ega. Xususan, transport, joylashuv va umra tashkil etish xizmatlarini nazorat qilishni kuchaytirish rejalashtirilmoqda.
Muhim masalalardan biri – aviatashuvchilarni qo‘llab-quvvatlash va ularning bozorga chiqishini kengaytirish bo‘lib, bu ziyoratlarni yanada qulay va arzonroq qilishga yordam beradi. Bundan tashqari, Saudiya Arabistoni Haj va Umra ziyoratlarini boshqarishda raqamli texnologiyalarni joriy etadi. "Nusuk" elektron platformasi allaqachon viza rasmiylashtirish, transport va mehmonxonalarni oldindan bron qilish, shuningdek, ziyorat marosimlarini rejalashtirish imkonini beradi.
2024-yil yakunlariga ko‘ra, 461 mingdan ortiq o‘zbekistonlik umra ziyoratini amalga oshirdi. Bu ko‘rsatkich bo‘yicha O‘zbekiston dunyodagi yetakchi mamlakatlardan biriga aylandi. Xizmatlar sifatini oshirish Saudiya Arabistonining "Vision-2030" strategiyasiga mos kelib, infratuzilmani modernizatsiya qilish va innovatsion yechimlarni joriy etishga qaratilgan.
Shuningdek, ikki muqaddas shahar atrofidagi hududlarni kengaytirish, yangi ziyorat maydonlarini barpo etish, transport infratuzilmasini rivojlantirish va zamonaviy tibbiyot markazlarini yaratish bo‘yicha keng ko‘lamli loyihalar davom etadi. Atrof-muhit texnologiyalari, qayta tiklanuvchi energiya manbalari va ko‘p tilli navigatsiya tizimi, jumladan, o‘zbek tilidagi xizmatlarga ham alohida e’tibor qaratilgan.
Ushbu tashrif O‘zbekiston va Saudiya Arabistoni o‘rtasidagi diniy turizm sohasidagi strategik sheriklikni yana bir bor tasdiqlaydi.
Muhim masalalardan biri – aviatashuvchilarni qo‘llab-quvvatlash va ularning bozorga chiqishini kengaytirish bo‘lib, bu ziyoratlarni yanada qulay va arzonroq qilishga yordam beradi. Bundan tashqari, Saudiya Arabistoni Haj va Umra ziyoratlarini boshqarishda raqamli texnologiyalarni joriy etadi. "Nusuk" elektron platformasi allaqachon viza rasmiylashtirish, transport va mehmonxonalarni oldindan bron qilish, shuningdek, ziyorat marosimlarini rejalashtirish imkonini beradi.
2024-yil yakunlariga ko‘ra, 461 mingdan ortiq o‘zbekistonlik umra ziyoratini amalga oshirdi. Bu ko‘rsatkich bo‘yicha O‘zbekiston dunyodagi yetakchi mamlakatlardan biriga aylandi. Xizmatlar sifatini oshirish Saudiya Arabistonining "Vision-2030" strategiyasiga mos kelib, infratuzilmani modernizatsiya qilish va innovatsion yechimlarni joriy etishga qaratilgan.
Shuningdek, ikki muqaddas shahar atrofidagi hududlarni kengaytirish, yangi ziyorat maydonlarini barpo etish, transport infratuzilmasini rivojlantirish va zamonaviy tibbiyot markazlarini yaratish bo‘yicha keng ko‘lamli loyihalar davom etadi. Atrof-muhit texnologiyalari, qayta tiklanuvchi energiya manbalari va ko‘p tilli navigatsiya tizimi, jumladan, o‘zbek tilidagi xizmatlarga ham alohida e’tibor qaratilgan.
Ushbu tashrif O‘zbekiston va Saudiya Arabistoni o‘rtasidagi diniy turizm sohasidagi strategik sheriklikni yana bir bor tasdiqlaydi.
Powered by Froala Editor