Shavkat Mirziyoyev Yevropa tiklanish va taraqqiyot banki prezidenti bilan uchrashuv o'tkazdi

Uchrashuvda O'zbekistonning YTTB bilan kengaytirilgan hamkorligi, xususan, xususiy sektor va iqtisodiyotni rivojlantirishda qo'lga kiritilgan yutuqlar muhokama qilindi. Bankning O'zbekistonga kiritgan jami investitsiyalari 5 milliard yevrodan oshgan, shundan o‘tgan yil yakunlarida 1 milliard yevro miqdorida mablag'lar kiritilgan. Moliyaviy ko‘makning asosiy hajmi xususiy sektorga to‘g‘ri kelmoqda.

Bundan tashqari, yoshlar va xotin-qizlar tadbirkorligini qo'llab-quvvatlash, davlat-xususiy sherikliklar, shu jumladan ta’lim va suv ta’minoti kabi sohalarda ko‘proq loyihalar amalga oshirilishi kutilmoqda. Yangi iqtisodiy dasturlar, jumladan, "yashil" iqtisodiyot va raqamlashtirishga alohida e'tibor qaratildi.

Iyun oyida Toshkentda o'tkaziladigan xalqaro investitsiya forumiga tayyorgarlik masalalari ham muhokama qilindi.

Powered by Froala Editor