Shveytsariyada O‘zbekiston ot sporti bo‘yicha xalqaro forumda qatnashdi
Sport
2025-yil 31-martdan 3-aprelgacha Shveysariyaning Lozanna shahrida Xalqaro ot sporti federatsiyasi (FEI) tomonidan tashkil etilgan "FEI International Sports Forum 2025" bo‘lib o‘tmoqda. Ushbu nufuzli tadbir ot sportining rivojlanishi, yangi qoidalar va strategiyalarni muhokama qilishga bag‘ishlangan bo‘lib, unda O‘zbekiston delegatsiyasi ham faol ishtirok etmoqda.
O‘zbekiston Otchilik va ot sporti federatsiyasi raisi B. G‘aziev boshchiligidagi delegatsiya forum doirasida qator muhim uchrashuvlarni amalga oshirdi. Jumladan, 31-mart kuni O‘zbekiston federatsiyasi vakillari "FEI Solidary Departament" rahbari Jan-Filipp Kambolises (Jean-Philippe Camboulives) bilan muzokaralar o‘tkazdi. Uchrashuvda O‘zbekistonda so‘nggi yillarda klassik ot sporti turlari - konkur, uchkurash va dresaj rivojlanishi uchun yaratilgan sharoitlar yuqori baholandi.
Forum doirasida jahon ot sportining dolzarb masalalari muhokama qilindi. Asosiy yo‘nalishlar quyidagilarni o‘z ichiga oldi:
FEI Tadqiqot instituti dekani Stefan Mishel tomonidan taqdim etilgan ma’ruza;
2028-yil Los-Anjeles Olimpiya va Paralimpiya o‘yinlariga sportchilarni saralash tizimi;
Konkur sportining strategik rivojlanish rejalari;
FEI tomonidan otlarning sog‘lig‘i va farovonligi bo‘yicha taqdimot hamda chavandozlar uchun o‘quv dasturlari;
Konkur musobaqalarining qoidalarini to‘liq qayta ko‘rib chiqish;
FEI prezidentining maqomi va vazifalarini qayta ko‘rib chiqish;
Uchkurash musobaqalari qoidalarining to‘liq qayta ko‘rib chiqilishi;
Paralimpiya o‘yinlarida ot sporti musobaqalarining qoidalarini yangilash.
Mazkur forum O‘zbekistonda ot sportining yanada rivojlanishiga, xalqaro turnirlarda ishtirok etish imkoniyatlarining kengayishiga xizmat qilishi kutilmoqda
Forum doirasida jahon ot sportining dolzarb masalalari muhokama qilindi. Asosiy yo‘nalishlar quyidagilarni o‘z ichiga oldi:
FEI Tadqiqot instituti dekani Stefan Mishel tomonidan taqdim etilgan ma’ruza;
2028-yil Los-Anjeles Olimpiya va Paralimpiya o‘yinlariga sportchilarni saralash tizimi;
Konkur sportining strategik rivojlanish rejalari;
FEI tomonidan otlarning sog‘lig‘i va farovonligi bo‘yicha taqdimot hamda chavandozlar uchun o‘quv dasturlari;
Konkur musobaqalarining qoidalarini to‘liq qayta ko‘rib chiqish;
FEI prezidentining maqomi va vazifalarini qayta ko‘rib chiqish;
Uchkurash musobaqalari qoidalarining to‘liq qayta ko‘rib chiqilishi;
Paralimpiya o‘yinlarida ot sporti musobaqalarining qoidalarini yangilash.
Mazkur forum O‘zbekistonda ot sportining yanada rivojlanishiga, xalqaro turnirlarda ishtirok etish imkoniyatlarining kengayishiga xizmat qilishi kutilmoqda
Powered by Froala Editor