Tanzila Norboyeva dunyoni yoshlar salohiyati atrofida birlashishga chaqirdi

Umumiy munozaralar chog‘ida O‘zbekiston tomoni zamonaviy yoshlar global o‘zgarishlar sharoitida jamiyat taraqqiyotini belgilovchi asosiy kuch ekanini ta’kidladi. Tanzila Norboyeva O‘zbekistonda yoshlar siyosati davlat ustuvorligi darajasiga ko‘tarilganini qayd etdi: so‘nggi yillarda 100 dan ortiq qonun hujjatlari qabul qilindi, “O‘zbekiston – 2030” strategiyasi hamda “Barqaror kelajak sari” dasturi esa IT, fan va ta’lim sohalarida misli ko‘rilmagan imtiyozlar tizimini yaratdi. O‘zbekiston yoshlarni nafaqat milliy, balki “global resurs” sifatida ko‘rishni va yoshlar parlamentarizmi sohasida xalqaro hamkorlikni kengaytirishni taklif etdi.

Mintaqaviy birlikni mustahkamlash masalasiga ham alohida e’tibor qaratildi. Assambleya doirasida turkiy davlatlar parlamentlari rahbarlarining birinchi norasmiy uchrashuvi bo‘lib o‘tdi. Muzokaralar davomida tomonlar qonunchilik faoliyatini muvofiqlashtirish va TDT doirasidagi qo‘shma loyihalar ustidan parlament nazoratini kuchaytirish masalalarini muhokama qildilar. O‘zbekiston qardosh davlatlar o‘rtasida iqtisodiyot, madaniyat va ekologiya sohalarida ilg‘or tajriba almashishga ko‘maklashgan holda parlamentlararo muloqotning lokomotiviga aylanishga tayyorligini tasdiqladi.

Powered by Froala Editor