TDT Bosh kotibi Turkiya TIV rahbari bilan 13-sammitga tayyorgarlikni muhokama qildi
Dunyo
Turkiy davlatlar tashkiloti (TDT) Bosh kotibi, elchi Kubanichbek O‘muraliev 8-sentabr kuni Anqarada Turkiya tashqi ishlar vaziri Hakan Fidan bilan uchrashdi. Uchrashuvning asosiy mavzusi TDTning bo‘lajak 13-sammitiga tayyorgarlik bo‘ldi.
Tomonlar Anqarada o‘tkazilishi rejalashtirilgan sammitning tashkiliy va mazmuniy masalalarini, shuningdek, undan kutilayotgan natijalarni ko‘rib chiqdilar.
Uchrashuvda TDTning 2027–2031-yillarga mo‘ljallangan strategiyasiga alohida e’tibor qaratildi. Mazkur hujjat Tashkilotning kelgusi davrdagi faoliyati uchun strategik asos bo‘lib xizmat qilishi va uning ustuvor yo‘nalishlarini belgilashi ko‘zda tutilgan.
O‘muraliev va Fidan, shuningdek, TDTning institutsional salohiyatini yanada mustahkamlash va samaradorligini oshirishga qaratilgan amaliy choralar yuzasidan fikr almashdilar.
Bosh kotib Turkiyaning Tashkilot va uning tashabbuslarini kuchli va izchil qo‘llab-quvvatlayotgani uchun minnatdorlik bildirdi. U turkiy davlatlar o‘rtasidagi hamkorlik, birdamlik va muvofiqlikni rivojlantirishda Turkiyaning muhim rolini alohida ta’kidladi.
O‘z navbatida, Hakan Fidan 13-sammit arafasida yaqin hamkorlikni davom ettirishga Turkiyaning tayyorligini yana bir bor tasdiqladi. Vazir, shuningdek, TDTni turkiy davlatlar o‘rtasidagi har tomonlama hamkorlikning samarali platformasi sifatida yanada mustahkamlashga tayyorligini bildirdi.
Uchrashuvda TDTning 2027–2031-yillarga mo‘ljallangan strategiyasiga alohida e’tibor qaratildi. Mazkur hujjat Tashkilotning kelgusi davrdagi faoliyati uchun strategik asos bo‘lib xizmat qilishi va uning ustuvor yo‘nalishlarini belgilashi ko‘zda tutilgan.
O‘muraliev va Fidan, shuningdek, TDTning institutsional salohiyatini yanada mustahkamlash va samaradorligini oshirishga qaratilgan amaliy choralar yuzasidan fikr almashdilar.
Bosh kotib Turkiyaning Tashkilot va uning tashabbuslarini kuchli va izchil qo‘llab-quvvatlayotgani uchun minnatdorlik bildirdi. U turkiy davlatlar o‘rtasidagi hamkorlik, birdamlik va muvofiqlikni rivojlantirishda Turkiyaning muhim rolini alohida ta’kidladi.
O‘z navbatida, Hakan Fidan 13-sammit arafasida yaqin hamkorlikni davom ettirishga Turkiyaning tayyorligini yana bir bor tasdiqladi. Vazir, shuningdek, TDTni turkiy davlatlar o‘rtasidagi har tomonlama hamkorlikning samarali platformasi sifatida yanada mustahkamlashga tayyorligini bildirdi.
Powered by Froala Editor