Termiz BMTning yangi gumanitar yordam markazi
O'zbekiston
O‘zbekiston xalqaro gumanitar tizimda yangi maqomga ega bo‘ldi. 2022-yilda Termiz shahrida tashkil etilgan transport-logistika markazi rasman BMTning Global ta’minot tarmog‘iga kiritildi. Endi u Afg‘oniston va mintaqaning boshqa mamlakatlariga yordam yetkazish uchun asosiy punktga aylanadi.
Termizda BMT Qochqinlar bo‘yicha Oliy komissarligining (UNHCR) Global ta’minot tarmog‘iga Termiz Cargo Center’ning integratsiyasiga bag‘ishlangan tantanali marosim bo‘lib o‘tdi. Shu tariqa O‘zbekiston Dubay, Ammon, Kopengagen va Panama Siti kabi strategik markazlar bilan bir qatorda global gumanitar logistika infratuzilmasining bir qismiga aylandi.
Nima uchun aynan Termiz? UNHCR xalqaro ombori maqomining berilishi shaharning qulay geografik joylashuvi, rivojlangan transport infratuzilmasi va malakali mutaxassislariga bog‘liq. Ushbu hub Afg‘oniston hamda Markaziy va Janubiy Osiyo davlatlariga gumanitar yuklarni tezkor yetkazib berish imkonini beradi. Shuningdek, BMT inqiroz holatlarida zarur yordam zahiralarini saqlash imkoniyatiga ega bo‘ladi.
Jahon ekspertlari bahosi. BMT vakillari O‘zbekistonning gumanitar operatsiyalardagi rolini yuqori baholadilar. Prezidentning Afg‘oniston bo‘yicha maxsus vakili Ismatulla Irgashov aytganidek, Termiz habi xalqaro hamkorlik va ishonchlilik timsoliga aylandi. BMT vakili Dumitru Lipkanu esa markazning samaradorligini qayd etib, uning global gumanitar missiyalarda muhim rol o‘ynashini ta’kidladi.
Ushbu qadam orqali O‘zbekiston nafaqat BMTning strategik logistika hamkori sifatida mavqeini mustahkamlaydi, balki xalqaro gumanitar tizimning ishonchli ishtirokchisiga aylanadi.
Nima uchun aynan Termiz? UNHCR xalqaro ombori maqomining berilishi shaharning qulay geografik joylashuvi, rivojlangan transport infratuzilmasi va malakali mutaxassislariga bog‘liq. Ushbu hub Afg‘oniston hamda Markaziy va Janubiy Osiyo davlatlariga gumanitar yuklarni tezkor yetkazib berish imkonini beradi. Shuningdek, BMT inqiroz holatlarida zarur yordam zahiralarini saqlash imkoniyatiga ega bo‘ladi.
Jahon ekspertlari bahosi. BMT vakillari O‘zbekistonning gumanitar operatsiyalardagi rolini yuqori baholadilar. Prezidentning Afg‘oniston bo‘yicha maxsus vakili Ismatulla Irgashov aytganidek, Termiz habi xalqaro hamkorlik va ishonchlilik timsoliga aylandi. BMT vakili Dumitru Lipkanu esa markazning samaradorligini qayd etib, uning global gumanitar missiyalarda muhim rol o‘ynashini ta’kidladi.
Ushbu qadam orqali O‘zbekiston nafaqat BMTning strategik logistika hamkori sifatida mavqeini mustahkamlaydi, balki xalqaro gumanitar tizimning ishonchli ishtirokchisiga aylanadi.
Powered by Froala Editor