Tesla'ning choraklik savdosi 13 foizga kamaydi
Dunyo
Ilon Maskning siyosatdagi ishtiroki va zavodlarni qayta jihozlash fonida Tesla’ning choraklik savdosi 13 foizga kamaydi. Bloomberg xabariga ko‘ra, bu so‘nggi uch yil ichidagi eng yomon natija.
Ilon Maskga tegishli Tesla kompaniyasi 2025-yilning birinchi choragida mijozlarga 336 681 dona avtomobil yetkazib berdi, bu o‘tgan yilning shu davriga nisbatan 13 foizga kam. Bu haqida kompaniya 2-aprel, chorshanba kuni e’lon qilgan press-relizida ma’lum qildi.
Bu so‘nggi uch yil ichidagi eng yomon natija bo‘lib, 2022-yilning ikkinchi choragidan buyon kuzatilgan eng past ko‘rsatkich ekanini Bloomberg qayd etdi. Agentlik tomonidan so‘ralgan tahlilchilar o‘rtacha hisobda kompaniya 390 000 dan ortiq avtomobil va yuk mashinalari sotishini kutishgan edi.
Bu raqamlar 2025-yilning boshida Tesla duch kelgan muammolar ko‘lamini aks ettiradi. Kompaniya butun dunyo bo‘ylab zavodlarini yangilangan Model Y ishlab chiqarishiga moslashtirish uchun qayta jihozladi, bu esa ishlab chiqarishdagi yo‘qotishlarga olib keldi. Bundan tashqari, Maskning AQSh va jahon siyosatiga faol aralashuvi AQSh va Yevropada norozilik namoyishlarini keltirib chiqardi, deb yozadi Bloomberg.
Nyu-York vaqti bilan soat 11:15 da (Toshkent vaqti bilan 20:15) 2-aprel kuni Tesla aksiyalari birjada 1 foizga pasaydi. Ular savdo boshlanganidan keyin 6,4% ga tushib ketgan bo‘lsa-da, keyinchalik biroz tiklana oldi. Eng yuqori narxlar AQSh prezidenti Donald Tramp g‘alaba qozonganidan keyin bir necha hafta davomida kuzatilgan edi. Biroq, 2-aprel savdo yakunlariga ko‘ra, kompaniyaning aksiyalari o‘sha davrdan beri 44% ga pasaygan.
2024-yil dekabr oyining o‘rtalarida Tesla aksiyalarining qiymati 480 dollar (442 yevro) atrofida bo‘lgan.
Yaqinda Germaniya Bundestagiga muddatidan oldin o‘tkazilgan saylovlar chog‘ida Mask “Germaniya uchun Alternativa” partiyasini faol ravishda reklama qilgani uchun, uning avtomobillariga bo‘lgan talab Germaniyada keskin tushib ketdi.
Bu so‘nggi uch yil ichidagi eng yomon natija bo‘lib, 2022-yilning ikkinchi choragidan buyon kuzatilgan eng past ko‘rsatkich ekanini Bloomberg qayd etdi. Agentlik tomonidan so‘ralgan tahlilchilar o‘rtacha hisobda kompaniya 390 000 dan ortiq avtomobil va yuk mashinalari sotishini kutishgan edi.
Bu raqamlar 2025-yilning boshida Tesla duch kelgan muammolar ko‘lamini aks ettiradi. Kompaniya butun dunyo bo‘ylab zavodlarini yangilangan Model Y ishlab chiqarishiga moslashtirish uchun qayta jihozladi, bu esa ishlab chiqarishdagi yo‘qotishlarga olib keldi. Bundan tashqari, Maskning AQSh va jahon siyosatiga faol aralashuvi AQSh va Yevropada norozilik namoyishlarini keltirib chiqardi, deb yozadi Bloomberg.
Nyu-York vaqti bilan soat 11:15 da (Toshkent vaqti bilan 20:15) 2-aprel kuni Tesla aksiyalari birjada 1 foizga pasaydi. Ular savdo boshlanganidan keyin 6,4% ga tushib ketgan bo‘lsa-da, keyinchalik biroz tiklana oldi. Eng yuqori narxlar AQSh prezidenti Donald Tramp g‘alaba qozonganidan keyin bir necha hafta davomida kuzatilgan edi. Biroq, 2-aprel savdo yakunlariga ko‘ra, kompaniyaning aksiyalari o‘sha davrdan beri 44% ga pasaygan.
2024-yil dekabr oyining o‘rtalarida Tesla aksiyalarining qiymati 480 dollar (442 yevro) atrofida bo‘lgan.
Yaqinda Germaniya Bundestagiga muddatidan oldin o‘tkazilgan saylovlar chog‘ida Mask “Germaniya uchun Alternativa” partiyasini faol ravishda reklama qilgani uchun, uning avtomobillariga bo‘lgan talab Germaniyada keskin tushib ketdi.
Powered by Froala Editor