Toqayev OTS davlatlari IIV rahbarlari bilan huquqni muhofaza qilish sohasidagi hamkorlikni muhokama qildi
Dunyo
Qozog‘iston Prezidenti Qosim-Jomart Toqayev Turkiy davlatlar tashkilotiga (TDT) a’zo davlatlarning huquqni muhofaza qiluvchi organlari rahbarlari bilan uchrashdi. Tomonlar yangi global tahdidlar va Qozog‘istondagi davlat boshqaruvi sohasidagi o‘zgarishlar fonida huquq-tartibot tuzilmalari hamkorligining ahamiyatini muhokama qildi.
Uchrashuvda Ozarbayjon ichki ishlar vaziri Viloyat Eyvazov, Qirg‘iziston ichki ishlar vaziri Ulan Niyazbekov, Turkiya ichki ishlar vaziri Mustafa Chiftchi, O‘zbekiston ichki ishlar vaziri Aziz Tashpulatov va Qozog‘iston ichki ishlar vaziri Yerjan Sadenov, shuningdek, TDT Bosh kotibi Kubanychbek Omuraliev ishtirok etdi.
Davlat rahbari turkiy davlatlar o‘rtasidagi hamkorlik umumiy tarix, o‘xshash til va an’analar, shuningdek, mushtarak manfaatlar asosida yildan-yilga mustahkamlanayotganini ta’kidladi.
«Turkiy davlatlar tashkiloti do‘stligimizni mustahkamlashga ulkan hissa qo‘shmoqda. Qozog‘iston ushbu nufuzli tuzilma bilan har tomonlama hamkorlikni chuqurlashtirishga ustuvor ahamiyat beradi», – dedi Toqayev. Uning qayd etishicha, TDT davlatlari turli sohalarda, jumladan, kuch tuzilmalari o‘rtasidagi hamkorlikni kengaytirmoqda.
Prezident global vaziyat beqaror va oldindan aytib bo‘lmaydigan tus olganini qayd etib, davlatlarni qat’iy va tezkor harakat qilishga chaqirdi.
Toqayev Qozog‘istonda davlat boshqaruvi va xavfsizlik tizimidagi o‘zgarishlarga ham to‘xtaldi. U global va milliy tahdidlarni tahlil qilish hamda milliy xavfsizlik sohasidagi ishlarni muvofiqlashtirishga mas’ul bo‘lgan Xavfsizlik Kengashi Apparati tashkil etilganini ta’kidladi. Shuningdek, yaqin vaqt ichida oliy maslahat organi – Xalıq Keñesi tashkil etilishi rejalashtirilgan.
Qozog‘istonning yangi Konstitutsiyasi 2026-yil 15-martdagi umumxalq referendumida qabul qilinib, 1-iyuldan kuchga kirdi. Hujjatda Vitse-prezident instituti ham belgilangan.
Uchrashuv yakunida Toqayev TDT davlatlari yetakchilariga samimiy salomlarini yetkazib, do‘stona munosabatlarni izchil saqlashga chaqirdi. Uchrashuv TDT Ichki ishlar vazirlari kengashi yig‘ilishi arafasida bo‘lib o‘tdi. Ushbu hamkorlik mexanizmi 2024-yildan buyon faoliyat yuritmoqda.
Davlat rahbari turkiy davlatlar o‘rtasidagi hamkorlik umumiy tarix, o‘xshash til va an’analar, shuningdek, mushtarak manfaatlar asosida yildan-yilga mustahkamlanayotganini ta’kidladi.
«Turkiy davlatlar tashkiloti do‘stligimizni mustahkamlashga ulkan hissa qo‘shmoqda. Qozog‘iston ushbu nufuzli tuzilma bilan har tomonlama hamkorlikni chuqurlashtirishga ustuvor ahamiyat beradi», – dedi Toqayev. Uning qayd etishicha, TDT davlatlari turli sohalarda, jumladan, kuch tuzilmalari o‘rtasidagi hamkorlikni kengaytirmoqda.
Prezident global vaziyat beqaror va oldindan aytib bo‘lmaydigan tus olganini qayd etib, davlatlarni qat’iy va tezkor harakat qilishga chaqirdi.
Toqayev Qozog‘istonda davlat boshqaruvi va xavfsizlik tizimidagi o‘zgarishlarga ham to‘xtaldi. U global va milliy tahdidlarni tahlil qilish hamda milliy xavfsizlik sohasidagi ishlarni muvofiqlashtirishga mas’ul bo‘lgan Xavfsizlik Kengashi Apparati tashkil etilganini ta’kidladi. Shuningdek, yaqin vaqt ichida oliy maslahat organi – Xalıq Keñesi tashkil etilishi rejalashtirilgan.
Qozog‘istonning yangi Konstitutsiyasi 2026-yil 15-martdagi umumxalq referendumida qabul qilinib, 1-iyuldan kuchga kirdi. Hujjatda Vitse-prezident instituti ham belgilangan.
Uchrashuv yakunida Toqayev TDT davlatlari yetakchilariga samimiy salomlarini yetkazib, do‘stona munosabatlarni izchil saqlashga chaqirdi. Uchrashuv TDT Ichki ishlar vazirlari kengashi yig‘ilishi arafasida bo‘lib o‘tdi. Ushbu hamkorlik mexanizmi 2024-yildan buyon faoliyat yuritmoqda.
Powered by Froala Editor