Toshkentda noyob «yashil» park barpo etilmoqda
O'zbekiston
Poytaxtda «Yashil bog‘lar» tashabbusi doirasida jamoat bog‘i qurilishi boshlandi. 7,5 gektar maydonni egallaydigan yangi yashil maskan shaharliklar va mehmonlar uchun osoyishta dam olish joyiga aylanadi.
Atrof-muhit vaziri Aziz Abduxakimovning ta’kidlashicha, bog‘ ekologik yondashuv asosida barpo etiladi: bu yerda attraksionlar va umumiy ovqatlanish shoxobchalari bo‘lmaydi, yo‘lak va skameykalar tabiiy materiallardan tayyorlanadi. Ayniqsa, ko‘kalamzorlashtirishga katta e’tibor qaratilgan — hozirgacha 300 daraxt ekilgan, umumiy hisobda 1200 dan ortiq daraxt va 23 ming buta, jumladan 100 xil atirgul navlari ekilishi rejalashtirilgan.
Bog‘da tabiiy ko‘l, qushlar uchun inlar va quyosh energiyasi asosida ishlovchi sug‘orish tizimi paydo bo‘ladi. Kirish bepul bo‘lib, bog‘ning ochilishi 2025-yil bahoriga mo‘ljallangan.
Bog‘da tabiiy ko‘l, qushlar uchun inlar va quyosh energiyasi asosida ishlovchi sug‘orish tizimi paydo bo‘ladi. Kirish bepul bo‘lib, bog‘ning ochilishi 2025-yil bahoriga mo‘ljallangan.
Powered by Froala Editor