Vashingtonda yo‘lovchi samolyoti harbiy vertolyot bilan to‘qnashdi
Dunyo
Vashingtonda fojia yuz berdi: "PSA Airlines" aviakompaniyasining yo‘lovchi samolyoti qo‘nayotganda havoda "Black Hawk" harbiy vertolyoti bilan to‘qnashdi. Zarbadan so‘ng samolyot Potomak daryosining muzdek suvlariga qulab tushdi. Samolyot bortida 60 nafar yo‘lovchi va to‘rt nafar ekipaj a’zosi bo‘lgan.
Voqea 29-yanvar kuni mahalliy vaqt bilan soat 21:00 atrofida sodir bo‘lgan. NBC ma’lumotlariga ko‘ra, qutqaruvchilar to‘rt kishini suvdan olib chiqishga muvaffaq bo‘lishgan, ammo Washington Post manbalari ko‘plab qurbonlar haqida xabar bermoqda. Pentagon vertolyot bortida uch kishi bo‘lganini tasdiqladi, ammo ular orasida VIP-yo‘lovchilar bo‘lmagan. FQB hodisada terakt yoki qo‘poruvchilik alomatlari yo‘qligini ma’lum qildi.
AQSH prezidenti Donald Tramp halokatni "dahshatli" deb atadi va qutqaruv xizmatlariga tezkor ish uchun minnatdorchilik bildirdi. Hodisa bo‘yicha tergov davom etmoqda, rasmiylar yaqin vaqt ichida ko‘proq ma’lumot berishga va’da berishmoqda.
AQSH prezidenti Donald Tramp halokatni "dahshatli" deb atadi va qutqaruv xizmatlariga tezkor ish uchun minnatdorchilik bildirdi. Hodisa bo‘yicha tergov davom etmoqda, rasmiylar yaqin vaqt ichida ko‘proq ma’lumot berishga va’da berishmoqda.
Powered by Froala Editor