Xakerlar yirik kiberhujumdan so‘ng Berlindan 2 mln yevro talab qilmoqda
Texnologiya
Berlin hukumati yirik kiberhujum ortidan Rhysida xakerlik guruhi qariyb 2 mln yevro talab qilayotganini tasdiqladi. Jinoyatchilar 5,7–5,79 TB ma’lumotni qo‘lga kiritganini va uni darknetda sotuvga qo‘yganini ma’lum qilgan, biroq shahar rahbariyati shantajga yon bermasligini bildirdi.
Berlin Senati vakili Kristina Richterning ma’lumotiga ko‘ra, Rhysida hujum uchun javobgarlikni o‘z zimmasiga olib, katta hajmdagi ma’lumotlarni o‘g‘irlaganini da’vo qilgan. Auksiondagi eng kam narx 30 bitkoinni tashkil etadi, bu Senat hisob-kitoblariga ko‘ra, qariyb 2 mln yevroga teng. Rasmiylar auksion yakunlangach, ma’lumotlar qayta sotilishi yoki to‘liq yoxud qisman e’lon qilinishi mumkinligini istisno etmayapti.
Kiberhujum 14-avgust kuni ma’lum bo‘lgan. Mavjud ma’lumotlarga ko‘ra, 7–12-avgust kunlari tarmoqdan katta hajmdagi axborot olib chiqilgan va ular orasida maxfiy hamda shaxsiy ma’lumotlar ham bo‘lishi mumkin. Hodisa aniqlangach, Senatning zarar ko‘rgan tuzilmalari vaqtincha umumshahar tarmog‘idan uzilgan.
Reuters ma’lumotiga ko‘ra, Rhysida 5,79 TB ma’lumot, jumladan o‘n minglab shartnomalar, elektron pochta manzillari, telefon raqamlari, parollar va boshqa maxfiy axborotni qo‘lga kiritganini bildirgan. Shu bilan birga, ma’lumotlar sizib chiqishining to‘liq ko‘lami hanuz o‘rganilmoqda.
Berlinning hukmron burgomistri Kay Vegner va ichki ishlar bo‘yicha senator Iris Shpranger avvalroq shahar tovlamachilarning talablarini bajarmasligini ma’lum qilgan edi. «Berlin yeri shantajga bo‘ysunmaydi», deya ta’kidlagan ular.
Senat ma’lumotiga ko‘ra, Rhysida Yevropa va AQShdagi turli obyektlarga qilingan bir qator kiberhujumlar bilan bog‘langan yuqori darajada professional guruh sifatida baholanmoqda. Tergov davom etmoqda, rasmiylar esa zarar ko‘rgan ma’lumotlarning hajmi va xususiyatini aniqlashtirmoqda.
Kiberhujum 14-avgust kuni ma’lum bo‘lgan. Mavjud ma’lumotlarga ko‘ra, 7–12-avgust kunlari tarmoqdan katta hajmdagi axborot olib chiqilgan va ular orasida maxfiy hamda shaxsiy ma’lumotlar ham bo‘lishi mumkin. Hodisa aniqlangach, Senatning zarar ko‘rgan tuzilmalari vaqtincha umumshahar tarmog‘idan uzilgan.
Reuters ma’lumotiga ko‘ra, Rhysida 5,79 TB ma’lumot, jumladan o‘n minglab shartnomalar, elektron pochta manzillari, telefon raqamlari, parollar va boshqa maxfiy axborotni qo‘lga kiritganini bildirgan. Shu bilan birga, ma’lumotlar sizib chiqishining to‘liq ko‘lami hanuz o‘rganilmoqda.
Berlinning hukmron burgomistri Kay Vegner va ichki ishlar bo‘yicha senator Iris Shpranger avvalroq shahar tovlamachilarning talablarini bajarmasligini ma’lum qilgan edi. «Berlin yeri shantajga bo‘ysunmaydi», deya ta’kidlagan ular.
Senat ma’lumotiga ko‘ra, Rhysida Yevropa va AQShdagi turli obyektlarga qilingan bir qator kiberhujumlar bilan bog‘langan yuqori darajada professional guruh sifatida baholanmoqda. Tergov davom etmoqda, rasmiylar esa zarar ko‘rgan ma’lumotlarning hajmi va xususiyatini aniqlashtirmoqda.
Powered by Froala Editor