Xususiylashtirish sohasidagi ustuvor vazifalar muhokama qilindi
O'zbekiston
O‘zbekistonda xususiylashtirishning eng katta to‘lqini boshlanmoqda. 2025-yilda yuzlab davlat korxonalari, yer uchastkalari va ko‘chmas mulk sotuvga chiqariladi. Rasmiylar 30 trillion so‘mlik aktivlarni sotishni mo‘ljallamoqda, bu esa byudjetga kamida 10 trillion foyda keltiradi. Qanday obyektlar xususiylashtiriladi va bu biznes uchun nimani anglatadi?
Prezident Shavkat Mirziyoyev 27-mart kuni davlat mulkini xususiylashtirish bo‘yicha ustuvor vazifalarga bag‘ishlangan yig‘ilish o‘tkazdi. Joriy yilda 30 trillion so‘mlik aktivlar sotilib, byudjetga kamida 10 trillion so‘m tushum ta’minlanishi rejalashtirilgan.
So‘nggi uch yilda xususiylashtirish rekord darajada o‘sdi: 47 trillion so‘mlik davlat aktivlari sotildi, bu o‘tgan o‘n yilga nisbatan 30 barobar ko‘pdir. Amalga oshirilgan obyektlar orasida zavodlar, mehmonxonalar va strategik korxonalar bor. Ilk bor "xalq IPO" o‘tkazilib, 11 ming nafar fuqaro aksiyador bo‘ldi.
Lekin jarayon davomida ko‘plab obyektlar bo‘sh turib qolgani, auksionlar cho‘zilayotgani, yirik kompaniyalar xalqaro moliyaviy hisobot standartlariga o‘tishga shoshilmayotgani aniqlandi. Xususan, "O‘zavtosanoat" va "O‘zbekneftgaz" kabi 22 ta davlat korxonasi haligacha hisobotlarni jahon standartlariga moslashtirmagan, qator davlat kompaniyalari kredit reytinglariga ega emas.
Yig‘ilishda 2025-yilga mo‘ljallangan xususiylashtirishning asosiy vazifalari belgilab olindi:
116 ta davlat korxonasi va 581 ta ko‘chmas mulk obyektini sotish;
6,1 ming gektar yer maydonini auksionga chiqarish;
300 ta kon va hududlarni biznesga berish;
Tadbirkorlar uchun ijaraga olingan obyektlarni sotib olishni soddalashtirish.
Shuningdek, aksiyalarni joylashtirish orqali bir qator davlat korxonalarining xalqaro bozorlarga chiqishi rejalashtirilgan. Bu yil 28 ta, kelgusi yilda esa yana 10 ta kompaniya IPO o‘tkazadi.
Rejani bajarish uchun oylik nazorat bilan "yo‘l xaritasi" ishlab chiqiladi. Biznesga yangi imkoniyatlarni kuzatib borish va kimoshdi savdolarida faol ishtirok etishga tayyorgarlik ko‘rish qoladi.
So‘nggi uch yilda xususiylashtirish rekord darajada o‘sdi: 47 trillion so‘mlik davlat aktivlari sotildi, bu o‘tgan o‘n yilga nisbatan 30 barobar ko‘pdir. Amalga oshirilgan obyektlar orasida zavodlar, mehmonxonalar va strategik korxonalar bor. Ilk bor "xalq IPO" o‘tkazilib, 11 ming nafar fuqaro aksiyador bo‘ldi.
Lekin jarayon davomida ko‘plab obyektlar bo‘sh turib qolgani, auksionlar cho‘zilayotgani, yirik kompaniyalar xalqaro moliyaviy hisobot standartlariga o‘tishga shoshilmayotgani aniqlandi. Xususan, "O‘zavtosanoat" va "O‘zbekneftgaz" kabi 22 ta davlat korxonasi haligacha hisobotlarni jahon standartlariga moslashtirmagan, qator davlat kompaniyalari kredit reytinglariga ega emas.
Yig‘ilishda 2025-yilga mo‘ljallangan xususiylashtirishning asosiy vazifalari belgilab olindi:
116 ta davlat korxonasi va 581 ta ko‘chmas mulk obyektini sotish;
6,1 ming gektar yer maydonini auksionga chiqarish;
300 ta kon va hududlarni biznesga berish;
Tadbirkorlar uchun ijaraga olingan obyektlarni sotib olishni soddalashtirish.
Shuningdek, aksiyalarni joylashtirish orqali bir qator davlat korxonalarining xalqaro bozorlarga chiqishi rejalashtirilgan. Bu yil 28 ta, kelgusi yilda esa yana 10 ta kompaniya IPO o‘tkazadi.
Rejani bajarish uchun oylik nazorat bilan "yo‘l xaritasi" ishlab chiqiladi. Biznesga yangi imkoniyatlarni kuzatib borish va kimoshdi savdolarida faol ishtirok etishga tayyorgarlik ko‘rish qoladi.
Powered by Froala Editor