Zelenskiy AQSh bilan kelishuvni imzolashga "tayyor"
Dunyo
Ukraina prezidenti Vladimir Zelenskiy Kiyev va Vashington o‘rtasidagi foydali qazilmalar qazib olish bo‘yicha kelishuvni imzolashga tayyor ekanini yana bir bor ta’kidladi hamda AQSh bilan "konstruktiv muloqot" o‘tkazishni istashini bildirdi. Bu haqida u Britaniyaning BBC media kompaniyasiga bergan intervyusida aytib o‘tdi.
"Men shunchaki Ukraina pozitsiyasi eshitilishini istayman", — dedi Zelenskiy.
U shuningdek qo‘shimcha qildi: "Biz hamkorlarimiz kim urush boshlaganini unutmasligini xohlaymiz".
2-mart kuni Londonda bo‘lib o‘tgan Yevropa yetakchilari sammitidan so‘ng, Zelenskiy Vashingtonda AQSh rasmiylari bilan bo‘lib o‘tgan so‘nggi uchrashuvi na Kiyevga, na AQShga foyda keltirganini, balki faqat Rossiya prezidenti Vladimir Putinga manfaatli bo‘lganini aytdi.
Shunga qaramay, Ukraina rahbari agar uni taklif qilishsa, Oq uyga qaytishga tayyorligini ta’kidladi.
Zelenskiy bu fikrlarini Britaniya poytaxtida o‘tkazilgan muzokaralardan so‘ng aytdi. Ushbu uchrashuvda Yevropa yetakchilari urushni to‘xtatish va Ukrainani Rossiyaning bo‘lajak tajovuzidan himoya qilish bo‘yicha to‘rt banddan iborat rejaga kelishib oldilar.
AQSh moliya vaziri Skott Bessent CBS News telekanaliga bergan intervyusida qimmatbaho metallar bo‘yicha kelishuv hozircha muzokaralar kun tartibida yo‘qligini aytdi.
"Menimcha, avvalo, prezident Zelenskiy tinchlik jarayonini davom ettirishni xohlash-xohlamasligini aniqlashtirishimiz kerak. Agar u janglarni davom ettirishni xohlasa, iqtisodiy kelishuvning nima keragi bor? Prezident Tramp tinchlik kelishuvini istaydi", — dedi Bessent.
Shuningdek, u ta’kidladi: "Prezident Zelenskiy faqat kelib, ushbu iqtisodiy kelishuvni imzolashi kerak edi, ammo u hamma narsani buzib qo‘ydi", dedi vazir.
U shuningdek qo‘shimcha qildi: "Biz hamkorlarimiz kim urush boshlaganini unutmasligini xohlaymiz".
2-mart kuni Londonda bo‘lib o‘tgan Yevropa yetakchilari sammitidan so‘ng, Zelenskiy Vashingtonda AQSh rasmiylari bilan bo‘lib o‘tgan so‘nggi uchrashuvi na Kiyevga, na AQShga foyda keltirganini, balki faqat Rossiya prezidenti Vladimir Putinga manfaatli bo‘lganini aytdi.
Shunga qaramay, Ukraina rahbari agar uni taklif qilishsa, Oq uyga qaytishga tayyorligini ta’kidladi.
Zelenskiy bu fikrlarini Britaniya poytaxtida o‘tkazilgan muzokaralardan so‘ng aytdi. Ushbu uchrashuvda Yevropa yetakchilari urushni to‘xtatish va Ukrainani Rossiyaning bo‘lajak tajovuzidan himoya qilish bo‘yicha to‘rt banddan iborat rejaga kelishib oldilar.
AQSh moliya vaziri Skott Bessent CBS News telekanaliga bergan intervyusida qimmatbaho metallar bo‘yicha kelishuv hozircha muzokaralar kun tartibida yo‘qligini aytdi.
"Menimcha, avvalo, prezident Zelenskiy tinchlik jarayonini davom ettirishni xohlash-xohlamasligini aniqlashtirishimiz kerak. Agar u janglarni davom ettirishni xohlasa, iqtisodiy kelishuvning nima keragi bor? Prezident Tramp tinchlik kelishuvini istaydi", — dedi Bessent.
Shuningdek, u ta’kidladi: "Prezident Zelenskiy faqat kelib, ushbu iqtisodiy kelishuvni imzolashi kerak edi, ammo u hamma narsani buzib qo‘ydi", dedi vazir.
Powered by Froala Editor