Bayden Kongressga Isroil va Ukrainani qo'llab-quvvatlash uchun favqulodda byudjet so'rovi yuboradi

Siyosat

Biz HAMAS kabi terrorchilar yoki Putin kabi diktatorlarning g‘alaba qozonishiga yo‘l qo‘ya olmaymiz - AQSh Prezidenti.

Bayden Kongressga Isroil va Ukrainani qo'llab-quvvatlash uchun favqulodda byudjet so'rovi yuboradi
AQSh Prezidenti Jo Bayden hamkorlarni, shu jumladan Isroil va Ukrainani qo'llab-quvvatlash uchun Kongressga "favqulodda byudjet so'rovi" yuborishini aytdi. Bu haqda Oq uy rahbari xalqqa murojaati chog‘ida ma’lum qildi.

Amerika yetakchisiga ko‘ra, u AQSh Kongressidan talab qiladigan byudjet Vashingtonning Isroil xavfsizligiga sodiqligini tasdiqlaydi.

"Bu aqlli sarmoya bo'lib, avlodlarga Amerika xavfsizligi uchun dividend to'laydi", dedi u.

Baydenning qayd etishicha, ushbu “xavfsizlik paketi” Isroilning harbiy ustunligini mustahkamlaydi.

"Biz mintaqadagi boshqa dushman kuchlar Isroil har qachongidan ham kuchliroq ekanini ko'rishini ta'minlaymiz va shu tariqa mojaro kengayishining oldini olamiz", dedi Bayden.

Oq uy rahbari o‘z vaqtida yordam ko‘rsatish muhimligini, shuningdek, Qo‘shma Shtatlardagi mavjud kelishmovchiliklarni qayd etdi.

“Biz HAMAS kabi terrorchilar yoki Putin kabi diktatorlarning g‘alaba qozonishiga yo‘l qo‘ya olmaymiz. Men bunga yo‘l qo‘ya olmayman”, deb ta’kidladi Oq uy rahbari.

Qayd etilishicha, AQSh Prezidenti Kongressdan 100 milliard dollarlik byudjet so‘raydi.

Powered by Froala Editor

Do'stlar bilan ulashing