Buyuk Britaniyada "To'maris" ayollar jamoat birlashmasi tashkil etildi

Bu haqida "Dunyo" AA xabar bermoqda.

Loyiha Londonda va unga yaqin shaharlarida yashovchi vatandosh ayollarni birlashtirish, ularning ijtimoiy, madaniy va ma’naviy rivojlanishiga yordam berish hamda o‘zaro tajriba almashish maydonini yaratish maqsadida ishga tushdi.

"To'maris" ayollar jamoat birlashmasining tashkil etilganiga bag‘ishlangan tadbir tantanali ruhda o‘tkazildi. Unda turli sohalarda muvaffaqiyatga erishgan ayollar, jamoat arboblari ishtirok etdi. Ishtirokchilarga jamiyatning asosiy vazifalari, rejalar va maqsadlari haqida ma’lumot berildi.

Birlashma o‘z oldiga Britaniyadagi vatandosh ayollarning ijtimoiy imkoniyatlarini kengaytirish, ularning bilim va malakalarini oshirish uchun treninglar, mahorat darslari, madaniy va ma’rifiy tadbirlarni tashkil etishni maqsad qilgan.

Shuningdek, birlashma mamlakatimizning milliy qadriyatlari va zamonaviy rivojlanish jarayonlarini xalqaro miqyosda targ‘ib qilishga xizmat qiladi.

Powered by Froala Editor