Ebola nazoratdan chiqmoqda: DR Kongoda qurbonlar soni kritik nuqtadan oshdi
Dunyo
Bir vaqtning o‘zida ikkita davlatni qamrab olgan Ebola isitmasining shiddat bilan tarqalishi xalqaro hamjamiyatni zudlik bilan safbar bo‘lishga majbur qildi. Kasallik o‘chog‘idagi vaziyat kundan-kunga yomonlashmoqda: rasmiy qurbonlar soni allaqachon uch xonali raqamlar bilan o‘lchanmoqda, yuqish tezligi esa mahalliy shifokorlarning prognozlaridan o‘zib ketib, epidemiyani global miqyosdagi xavfga aylantirmoqda.
DR Kongoda Ebola isitmasidan laboratoriya sharoitida tasdiqlangan o‘lim holatlari 100 tadan oshib, 101 nafarga yetdi. Mamlakat Sog‘liqni saqlash vazirligi ma’lumotlariga ko‘ra, kasallanganlarning umumiy soni 550 kishini tashkil etmoqda. Ugandani ham qamrab olgan ushbu epidemiya so‘nggi o‘n yilliklardagi eng keng ko‘lamli va eng ko‘p o‘limga olib keladigan quyilishlardan biriga aylanish xavfini tug‘dirmoqda. DRKdagi og‘ir vaziyat sababli epidemiyaga qarshi kurashda yordam berish uchun mamlakatga xorijiy mutaxassislar yetib kela boshladi.
Powered by Froala Editor