O‘zbekiston Belarusda tashkillashtirilgan mehnat faoliyati uchun qabulni boshladi
O'zbekiston
O‘zbekiston Migratsiya agentligi Belarusda ishlash istagidagi fuqarolar uchun tashkillashtirilgan mehnat migratsiyasi dasturi bo‘yicha arizalar qabulini boshladi. Dastur davlatlararo mehnat migratsiyasi to‘g‘risidagi bitim asosida amalga oshirilmoqda hamda Belarus korxona va tashkilotlarida rasmiy ish bilan ta’minlashni nazarda tutadi.
Nomzodlarga qishloq va o‘rmon xo‘jaligi, qurilish, transport, veterinariya, metallga ishlov berish va payvandlash sohalari, shuningdek yuk avtomobili haydovchilari, traktor va ekskavator mashinistlari uchun bo‘sh ish o‘rinlari taklif etilmoqda. Ish haqi 700 AQSH dollaridan boshlanadi va nomzodning malakasi hamda tajribasiga qarab belgilanadi.
Dasturda 18–50 yoshdagi, haydovchilik guvohnomasi va maxsus texnikani boshqarish huquqini tasdiqlovchi hujjatlarga ega fuqarolar ishtirok etishi mumkin. Shuningdek, nomzodlarda Rossiyaga kirish taqiqi bo‘lmasligi lozim.
Migratsiya agentligi ma’lumotiga ko‘ra, ish beruvchilar yotoqxona bilan bepul ta’minlaydi, zarur hujjatlarni rasmiylashtiradi va aviabiletlarni ham o‘z ichiga olgan yo‘l xarajatlarini qoplaydi. Ishtirokchilar Belarusga yakka tartibda yoki oila a’zolari bilan birga borishlari mumkin.
Agentlik fuqarolarga ish izlash uchun mustaqil ravishda Belarusga borish o‘rniga tashkillashtirilgan yollash dasturidan foydalanishni tavsiya qilmoqda, chunki unda rasmiy mehnat shartnomasi va mehnat sharoitlari nazorati kafolatlanadi.
O‘zbekiston va Belarus o‘rtasidagi mehnat migratsiyasi to‘g‘risidagi bitim 9-iyul kuni Prezident Shavkat Mirziyoyevning Minskka tashrifi chog‘ida imzolangan edi. 13-iyul kuni esa qishloq xo‘jaligi va chorvachilik sohasida ishlash uchun 255 nafar O‘zbekiston fuqarosidan iborat birinchi guruh Belarusga jo‘nab ketdi.
Dasturda 18–50 yoshdagi, haydovchilik guvohnomasi va maxsus texnikani boshqarish huquqini tasdiqlovchi hujjatlarga ega fuqarolar ishtirok etishi mumkin. Shuningdek, nomzodlarda Rossiyaga kirish taqiqi bo‘lmasligi lozim.
Migratsiya agentligi ma’lumotiga ko‘ra, ish beruvchilar yotoqxona bilan bepul ta’minlaydi, zarur hujjatlarni rasmiylashtiradi va aviabiletlarni ham o‘z ichiga olgan yo‘l xarajatlarini qoplaydi. Ishtirokchilar Belarusga yakka tartibda yoki oila a’zolari bilan birga borishlari mumkin.
Agentlik fuqarolarga ish izlash uchun mustaqil ravishda Belarusga borish o‘rniga tashkillashtirilgan yollash dasturidan foydalanishni tavsiya qilmoqda, chunki unda rasmiy mehnat shartnomasi va mehnat sharoitlari nazorati kafolatlanadi.
O‘zbekiston va Belarus o‘rtasidagi mehnat migratsiyasi to‘g‘risidagi bitim 9-iyul kuni Prezident Shavkat Mirziyoyevning Minskka tashrifi chog‘ida imzolangan edi. 13-iyul kuni esa qishloq xo‘jaligi va chorvachilik sohasida ishlash uchun 255 nafar O‘zbekiston fuqarosidan iborat birinchi guruh Belarusga jo‘nab ketdi.
Powered by Froala Editor