Eron Prezidenti O‘zbekiston delegatsiyasini qabul qildi

12 may kuni Tehronda Eron prezidenti Mas’ud Pezeshkiyan rasmiy tashrif bilan kelgan O‘zbekiston bosh vaziri Abdulla Aripovni qabul qildi. Delegatsiya rahbari Eron tomoniga Prezident Shavkat Mirziyoyevning samimiy tilaklari va salomini yetkazib, mehmondo‘stlik uchun minnatdorlik bildirdi.

Muzokaralarda ikki davlat rahbarlarining siyosiy irodasi tufayli O‘zbekiston-Eron munosabatlari har tomonlama sheriklik darajasiga ko‘tarilgani ta’kidlandi. Mintaqa barqarorligi uchun muhim bo‘lgan oliy darajada erishilgan kelishuvlarni amalga oshirishga alohida e’tibor qaratildi.

Tomonlar hamkorlikning ustuvor yo‘nalishlari: savdo, investitsiyalar, sanoat kooperatsiyasi, transport va logistika, gumanitar va madaniy aloqalarni muhokama qildilar. Shuningdek, ikki mamlakat hududlari o‘rtasidagi aloqalarni mustahkamlash haqida so‘z bordi.

Tashrif doirasida O‘zbekiston delegatsiyasi Eron innovatsiyalar va texnologiyalar uyiga tashrif buyurib, energetika, tibbiyot, farmatsevtika, IT, qishloq xo‘jaligi va qurilish sohalaridagi zamonaviy ishlanmalar bilan tanishdi.

Tashrif uzoq muddatli va pragmatik hamkorlikka tayyorlikni tasdiqlagan holda yakunlandi.

Powered by Froala Editor