O‘zbekiston va Xitoy savdo aylanmasini 20 mlrd dollarga yetkazishni maqsad qilmoqda
Iqtisodiyot
Toshkent va Pekin ikki tomonlama savdo hajmini 20 milliard dollarga yetkazishni rejalashtirmoqda, shu bilan birga investitsiya va savdo hamkorligini kengaytirmoqda. Bu haqda poytaxtda bo‘lib o‘tgan O‘zbekiston–Xitoy biznes-forumida ma’lum qilindi.
O‘zbekiston investitsiyalar, sanoat va savdo vaziri o‘rinbosari Ilzat Qosimov Xitoy hozirda mamlakatning eng yirik savdo va investitsiya hamkori ekanini ta’kidladi.
Uning so‘zlariga ko‘ra, 2025-yilda o‘zaro savdo hajmi 17,8 milliard dollarga yetib, 2024-yilga nisbatan 34 foizga o‘sgan. Bunday o‘sish iqtisodiy hamkorlikning izchil rivojlanayotganini va kelgusida yanada kengayish salohiyati mavjudligini ko‘rsatadi.
Tomonlar savdo va investitsiya sohalarida hamkorlikni kengaytirishni davom ettirib, o‘zaro savdo hajmini 20 milliard dollarga yetkazishni maqsad qilgan.
Shuningdek, 2025-yilda O‘zbekiston iqtisodiyotiga Xitoy investitsiyalari 15,8 milliard dollarni tashkil etdi.
Qosimov 2026-yilga borib bu ko‘rsatkichni 21 milliard dollarga yetkazish rejalashtirilganini ma’lum qildi. U iqtisodiy raqamlar ortida insonlar manfaatlari, ishonch va o‘zaro hurmat turishini ta’kidladi.
Strategik ahamiyatga ega bo‘lgan Xitoy — Qirg‘iziston — O‘zbekiston temiryo‘l loyihasi alohida e’tiborga molikdir. Ushbu magistral nafaqat mamlakat, balki butun mintaqa uchun yangi logistika imkoniyatlarini ochib, O‘zbekistonni Sharq va G‘arb o‘rtasidagi yirik transport markaziga aylantirishga xizmat qiladi.
Forumda, shuningdek, Toshkentning Yangi shahri hududida “Sian” shaharchasini qurish taklifi bildirildi. Mutaxassislar fikricha, bunday loyiha ikki davlat iqtisodiy hamkorligini kengaytirishga yordam beradi.
Kelgusida Xitoy delegatsiyasining tashrifi doirasida Sian shahrida bo‘lib o‘tadigan uchinchi O‘zbekiston–Xitoy mintaqalararo forumiga tayyorgarlik masalalari ham muhokama qilinadi.
Uning so‘zlariga ko‘ra, 2025-yilda o‘zaro savdo hajmi 17,8 milliard dollarga yetib, 2024-yilga nisbatan 34 foizga o‘sgan. Bunday o‘sish iqtisodiy hamkorlikning izchil rivojlanayotganini va kelgusida yanada kengayish salohiyati mavjudligini ko‘rsatadi.
Tomonlar savdo va investitsiya sohalarida hamkorlikni kengaytirishni davom ettirib, o‘zaro savdo hajmini 20 milliard dollarga yetkazishni maqsad qilgan.
Shuningdek, 2025-yilda O‘zbekiston iqtisodiyotiga Xitoy investitsiyalari 15,8 milliard dollarni tashkil etdi.
Qosimov 2026-yilga borib bu ko‘rsatkichni 21 milliard dollarga yetkazish rejalashtirilganini ma’lum qildi. U iqtisodiy raqamlar ortida insonlar manfaatlari, ishonch va o‘zaro hurmat turishini ta’kidladi.
Strategik ahamiyatga ega bo‘lgan Xitoy — Qirg‘iziston — O‘zbekiston temiryo‘l loyihasi alohida e’tiborga molikdir. Ushbu magistral nafaqat mamlakat, balki butun mintaqa uchun yangi logistika imkoniyatlarini ochib, O‘zbekistonni Sharq va G‘arb o‘rtasidagi yirik transport markaziga aylantirishga xizmat qiladi.
Forumda, shuningdek, Toshkentning Yangi shahri hududida “Sian” shaharchasini qurish taklifi bildirildi. Mutaxassislar fikricha, bunday loyiha ikki davlat iqtisodiy hamkorligini kengaytirishga yordam beradi.
Kelgusida Xitoy delegatsiyasining tashrifi doirasida Sian shahrida bo‘lib o‘tadigan uchinchi O‘zbekiston–Xitoy mintaqalararo forumiga tayyorgarlik masalalari ham muhokama qilinadi.
Powered by Froala Editor