O‘zbekistonda oliy ta’lim va ilm-fan sohasidagi ustuvor vazifalar belgilandi

22-yanvar kuni Prezident Shavkat Mirziyoyev oliy ta’lim va ilm-fanni rivojlantirishga bag‘ishlangan taqdimot bilan tanishdi. Mamlakatda so‘nggi yillarda yangi universitetlar ochildi, oliy ta’lim qamrovi sezilarli darajada oshirildi, 1 200 dan ortiq o‘quv dasturlari yangilandi. Undan tashqari Quyosh energiyasi va biosistemalar muhandisligi kabi zamonaviy yo‘nalishlar joriy etildi.

Qayd etilishicha, 2025-yilda yana 1 000 ta dastur takomillashtirilishi, 45 yo‘nalishda xalqaro akkreditatsiya o‘tkazilishi, talabalarning raqamli xizmatlardan foydalanish imkoniyatlari kengaytirilishi va 50 000 o‘quvchi uchun dual ta’lim joriy etilishi rejalashtirilgan. Bundan tashqari:

Oliy o‘quv yurtlarining ilmiy salohiyatini 55% ga yetkazish;

25 ta muhandislik maktabi tashkil etish;

Oliy o‘quv yurtlari va sanoat korxonalari o‘rtasida qo‘shma loyihalarga moliyalashtirishni oshirish.

Yaqin kunlarda hududlarda yangi texnik universitetlar va muhandislik maktablari ochiladi. Talabalarning ma’naviy, sport va intellektual rivoji uchun dasturlar amalga oshirilmoqda. Ularni kuchaytirish va yoshlar orasida vatanparvarlikni mustahkamlash choralari muhokama qilindi.

Bu tashabbuslar zamon talablariga mos zamonaviy ta’lim tizimini yaratishga qaratilgan.

Powered by Froala Editor