Prezident “O‘zbekneftgaz” bo‘yicha yana yig‘ilish o‘tkazdi
O'zbekiston
O‘zbekiston Prezidenti Shavkat Mirziyoyev 30 yanvar kuni mamlakatdagi eng yirik gaz qazib chiqaruvchi kompaniya — “O‘zbekneftgaz” faoliyati samaradorligini oshirish masalalariga bag‘ishlangan yig‘ilish o‘tkazdi. Bu mazkur mavzu bo‘yicha bir oy ichidagi ikkinchi yig‘ilish bo‘ldi.
Taqdim etilgan ma’lumotlarga ko‘ra, 2025 yilda “O‘zbekneftgaz” 25,2 mlrd kub metr tabiiy gaz qazib oldi. Bu ko‘rsatkich rejalashtirilgan 26,5 mlrd kub metrdan 1,3 mlrd kub metrga kam.
2025 yil davomida 56 ta yangi quduq burg‘ulandi va 29 ta quduqda kapital ta’mirlash ishlari amalga oshirildi. 2026–2027 yillarga mo‘ljallangan rejalarda gaz qazib olish hajmlarini barqarorlashtirish hamda 300 dan ortiq geologik-texnik tadbirlarni amalga oshirish ko‘zda tutilgan.
Shuningdek, gazni chuqur qayta ishlash, qo‘shimcha qiymat zanjirini yaratish, import o‘rnini bosuvchi va eksportga yo‘naltirilgan mahsulotlar ishlab chiqarish ustuvor vazifa sifatida belgilandi. Kompaniyaning moliyaviy barqarorligini mustahkamlash, xarajatlarni optimallashtirish va noprofessional aktivlardan voz kechish rejalashtirilmoqda.
Raqamlashtirish, sun’iy intellekt texnologiyalarini joriy etish, ichki nazorat va komplaens tizimini kuchaytirish, shuningdek korrupsiya va manfaatlar to‘qnashuvining oldini olish ham muhim yo‘nalishlar qatoriga kiritildi.
27 yanvar kuni Prezident “O‘zbekneftgaz” va Davlat aktivlarini boshqarish agentligida milliardlab so‘mlik moliyaviy qonunbuzarliklar aniqlangani va keng ko‘lamli tekshiruvlar boshlanganini ma’lum qilgan edi.
2025 yil davomida 56 ta yangi quduq burg‘ulandi va 29 ta quduqda kapital ta’mirlash ishlari amalga oshirildi. 2026–2027 yillarga mo‘ljallangan rejalarda gaz qazib olish hajmlarini barqarorlashtirish hamda 300 dan ortiq geologik-texnik tadbirlarni amalga oshirish ko‘zda tutilgan.
Shuningdek, gazni chuqur qayta ishlash, qo‘shimcha qiymat zanjirini yaratish, import o‘rnini bosuvchi va eksportga yo‘naltirilgan mahsulotlar ishlab chiqarish ustuvor vazifa sifatida belgilandi. Kompaniyaning moliyaviy barqarorligini mustahkamlash, xarajatlarni optimallashtirish va noprofessional aktivlardan voz kechish rejalashtirilmoqda.
Raqamlashtirish, sun’iy intellekt texnologiyalarini joriy etish, ichki nazorat va komplaens tizimini kuchaytirish, shuningdek korrupsiya va manfaatlar to‘qnashuvining oldini olish ham muhim yo‘nalishlar qatoriga kiritildi.
27 yanvar kuni Prezident “O‘zbekneftgaz” va Davlat aktivlarini boshqarish agentligida milliardlab so‘mlik moliyaviy qonunbuzarliklar aniqlangani va keng ko‘lamli tekshiruvlar boshlanganini ma’lum qilgan edi.
Powered by Froala Editor