Saida Mirziyoyeva Urgut tumanining rivojlanishi va qishloq infratuzilmasining real holatini baholadi
O'zbekiston
Prezident Administratsiyasi rahbari Saida Mirziyoyeva Urgut tumaniga tashrifi chog‘ida qishloq infratuzilmasining haqiqiy holati, sog‘liqni saqlash tizimi va logistika rivoji istiqbollarini o‘rgandi.
Prezident Administratsiyasi rahbari Saida Mirziyoyeva Samarqand viloyatining Urgut tumaniga tashrif buyurib, hududiy loyihalar amalga oshirilishi va ijtimoiy infratuzilma holati bilan tanishdi. Safar davomida iqtisodiy rivojlanish, birlamchi tibbiy yordam va suv ta’minoti masalalariga alohida e’tibor qaratildi.
Tojikiston bilan chegaradosh joylashgan Urgut tumani logistika va transchegaraviy savdo markazi sifatida ko‘rilmoqda. Saida Mirziyoyeva ta’kidlashicha, Samarqand—Urgut temir yo‘l liniyasi tadbirkorlar va yo‘lovchilar uchun xarajatlarni kamaytirib, erkin iqtisodiy zona shakllanishiga zamin yaratadi.
Master-reja doirasida 800 nafar tadbirkor uchun mo‘ljallangan savdo majmuasi va kuniga 100 tagacha yuk mashinasini qabul qila oladigan logistika markazi qurilishi rejalashtirilgan. Loyiha bojxona jarayonlarini soddalashtirish va byurokratik to‘siqlarni kamaytirishni ham nazarda tutadi. Shuningdek, Tojikiston fuqarolarining savdo va tibbiy obyektlarga pasportsiz kirishi imkoniyati ko‘rib chiqilmoqda.
Safar davomida sog‘liqni saqlash tizimi holati ham o‘rganildi. 1972 yilda qurilgan «Navoiy» poliklinikasi 16 ta qishloqdan 13 mingdan ortiq aholiga xizmat ko‘rsatadi va tug‘ruq qabul qilinadigan yagona muassasa hisoblanadi. Biroq bino kapital ta’mirtalab, tibbiy imkoniyatlar esa cheklangan.
Saida Mirziyoyeva bu holat birgina muassasa muammosi emas, balki birlamchi tibbiy-sanitariya yordami tizimidagi umumiy kamchiliklarni aks ettirishini ta’kidladi. Uning so‘zlariga ko‘ra, yechim faqat ta’mir bilan emas, balki yondashuv va standartlarni tubdan qayta ko‘rib chiqish bilan bog‘liq.
Shuningdek, tumandagi suv ta’minoti muammosi ham dolzarb bo‘lib qolmoqda. Eskirgan nasos stansiyalari va suv yo‘qotishlari hosildorlik va qishloq xo‘jaligi eksportiga salbiy ta’sir ko‘rsatmoqda. Master-reja doirasida 10 ming gektardan ortiq yerlar barqaror sug‘orishga o‘tkazilishi, nasos stansiyalari rekonstruksiya qilinishi va energiya tejamkor texnologiyalar joriy etilishi rejalashtirilgan.
Tojikiston bilan chegaradosh joylashgan Urgut tumani logistika va transchegaraviy savdo markazi sifatida ko‘rilmoqda. Saida Mirziyoyeva ta’kidlashicha, Samarqand—Urgut temir yo‘l liniyasi tadbirkorlar va yo‘lovchilar uchun xarajatlarni kamaytirib, erkin iqtisodiy zona shakllanishiga zamin yaratadi.
Master-reja doirasida 800 nafar tadbirkor uchun mo‘ljallangan savdo majmuasi va kuniga 100 tagacha yuk mashinasini qabul qila oladigan logistika markazi qurilishi rejalashtirilgan. Loyiha bojxona jarayonlarini soddalashtirish va byurokratik to‘siqlarni kamaytirishni ham nazarda tutadi. Shuningdek, Tojikiston fuqarolarining savdo va tibbiy obyektlarga pasportsiz kirishi imkoniyati ko‘rib chiqilmoqda.
Safar davomida sog‘liqni saqlash tizimi holati ham o‘rganildi. 1972 yilda qurilgan «Navoiy» poliklinikasi 16 ta qishloqdan 13 mingdan ortiq aholiga xizmat ko‘rsatadi va tug‘ruq qabul qilinadigan yagona muassasa hisoblanadi. Biroq bino kapital ta’mirtalab, tibbiy imkoniyatlar esa cheklangan.
Saida Mirziyoyeva bu holat birgina muassasa muammosi emas, balki birlamchi tibbiy-sanitariya yordami tizimidagi umumiy kamchiliklarni aks ettirishini ta’kidladi. Uning so‘zlariga ko‘ra, yechim faqat ta’mir bilan emas, balki yondashuv va standartlarni tubdan qayta ko‘rib chiqish bilan bog‘liq.
Shuningdek, tumandagi suv ta’minoti muammosi ham dolzarb bo‘lib qolmoqda. Eskirgan nasos stansiyalari va suv yo‘qotishlari hosildorlik va qishloq xo‘jaligi eksportiga salbiy ta’sir ko‘rsatmoqda. Master-reja doirasida 10 ming gektardan ortiq yerlar barqaror sug‘orishga o‘tkazilishi, nasos stansiyalari rekonstruksiya qilinishi va energiya tejamkor texnologiyalar joriy etilishi rejalashtirilgan.
Powered by Froala Editor