Toshkentda havo sifati keskin yomonlashishi kutilmoqda
O'zbekiston
Poytaxt aholisi va mehmonlari tabiatning keskin injiqliklariga tayyor turishlari hamda o‘z sog‘liqlariga e’tiborli bo‘lishlari lozim. Yetakchi xalqaro meteorologiya markazlari O‘zgidromet bilan hamkorlikda Toshkentga shiddatli shamol, momaqaldiroq va qisqa muddatli, ammo quyuq chang pardasini olib keluvchi kuchli havo oqimlari harakatini qayd etdi. Maxsus komissiya allaqachon yuqori tayyorgarlik rejimini e’lon qildi va favqulodda qoidalar to‘plamini taqdim etdi, bu esa shahar aholisiga, ayniqsa xavf guruhiga kiruvchilarga ushbu atmosfera zarbasini minimal talofatlar bilan o‘tkazib olishga yordam beradi.
Maxsus komissiya 27-may kuni Toshkentda havo sifatining qisqa muddatli yomonlashishi va chang bo‘ronlari sodir bo‘lishi mumkinligidan ogohlantirdi. JMT (Pekin, Saudiya Arabistoni) markazlari va O‘zgidromet prognozlariga ko‘ra, ushbu hodisa g‘arbdan nam havo massalari kirib kelishidan oldin kuzatiladi. Kun davomida o‘zgaruvchan bulutlilik, momaqaldiroq va qisqa muddatli yomg‘ir kutilmoqda. G‘arbiy shamol tezligi 3–8 m/s, shiddat bilan esganda 12–15 m/s gacha kuchayadi. Buning fonida havoda chang, jumladan PM10 mikroparchalari konsentratsiyasi vaqtincha yuqorilaydi.
Yog‘ingarchilikdan so‘ng vaziyat barqarorlashadi. Allergiya, nafas olish yo‘llari va yurak xastaliklari bor fuqarolarga ko‘chaga kamroq chiqish, oynalarni yopiq tutish hamda himoya niqoblarini taqish tavsiya etiladi. Havo monitoringi doimiy ravishda olib borilmoqda.
Yog‘ingarchilikdan so‘ng vaziyat barqarorlashadi. Allergiya, nafas olish yo‘llari va yurak xastaliklari bor fuqarolarga ko‘chaga kamroq chiqish, oynalarni yopiq tutish hamda himoya niqoblarini taqish tavsiya etiladi. Havo monitoringi doimiy ravishda olib borilmoqda.
Powered by Froala Editor