Turkiya Isroilni BMTdan chiqarishni talab qilmoqda
Dunyo
Anqara va Tel-Aviv o‘rtasidagi munosabatlar ortga qaytmas nuqtaga yetdi: rasmiy Turkiya Isroilning Birlashgan Millatlar Tashkilotidagi a’zoligini to‘xtatib qo‘yish tashabbusi bilan chiqdi. Turkiya parlamenti spikeri Numan Kurtulmush Isroilning hozirgi siyosatini o‘z vaqtida Janubiy Afrika Respublikasini xalqaro yakkalanishga olib kelgan aparteid rejimi bilan qiyosladi.
Istanbulda o‘tgan Parlamentlararo ittifoq assambleyasida so‘zga chiqqan Kurtulmush Falastinliklar ishini harbiy tribunallar ixtiyoriga topshirgan Isroil sud tizimini keskin tanqid qildi. Spikerning fikricha, bir mamlakat doirasida ikki xalqqa nisbatan turlicha qonunlarni qo‘llash amaliyoti aparteidning yaqqol ko‘rinishidir. “Isroilning BMTdagi a’zoligi ushbu rejimga chek qo‘yilmaguncha to‘xtatilishi kerak”, — dedi u XX asrdagi JARga qarshi sanksiyalar bilan tarixiy o‘xshashlik keltirib.
Diplomatik bosim bilan bir qatorda, Turkiya huquqiy choralarga ham o‘tdi. Ma’lum bo‘lishicha, mamlakat prokuraturasi Isroil Bosh vaziri Binyamin Netanyaxu va yana 34 nafar yuqori martabali amaldorni umrbod qamoq jazosiga hukm qilishni talab qilmoqda. Ular genotsid, G‘azoni ommaviy bombardimon qilish va gumanitar yordamni qasddan to‘sishda ayblanmoqda. Eslatib o‘tamiz, Isroil hukumati rahbarini sirtdan hibsga olish haqidagi order o‘tgan yilning noyabr oyida Turkiya rasmiylari tomonidan berilgan edi, bu esa amalda mamlakatlar o‘rtasidagi har qanday rasmiy muloqotni imkonsiz qiladi.
Diplomatik bosim bilan bir qatorda, Turkiya huquqiy choralarga ham o‘tdi. Ma’lum bo‘lishicha, mamlakat prokuraturasi Isroil Bosh vaziri Binyamin Netanyaxu va yana 34 nafar yuqori martabali amaldorni umrbod qamoq jazosiga hukm qilishni talab qilmoqda. Ular genotsid, G‘azoni ommaviy bombardimon qilish va gumanitar yordamni qasddan to‘sishda ayblanmoqda. Eslatib o‘tamiz, Isroil hukumati rahbarini sirtdan hibsga olish haqidagi order o‘tgan yilning noyabr oyida Turkiya rasmiylari tomonidan berilgan edi, bu esa amalda mamlakatlar o‘rtasidagi har qanday rasmiy muloqotni imkonsiz qiladi.
Powered by Froala Editor