Duane «Keffe D» Devis ustidan sud: Tupak Shakur o‘ldirilishi ishi 30 yildan so‘ng sudga yetib keldi
Dunyo
Tupak Shakur Las-Vegasda o‘ldirilganidan qariyb 30 yil o‘tib, reperning o‘limi bo‘yicha yagona ayblanuvchi — 63 yoshli Duane «Keffe D» Devis ustidan sud jarayoni boshlandi. Prokuratura Devis hujumni tashkil qilgan va qurolni taqdim etgan deb hisoblaydi, biroq halokatli o‘qlarni aynan kim uzgani hanuz noma’lum.
Tupak Shakur 1996-yil 7-sentabr kuni harakatlanayotgan avtomobildan o‘q uzilishi oqibatida og‘ir yaralangan. U Marion «Suge» Nayt bilan birga BMW avtomobilida bo‘lgan. Reper olgan jarohatlari sabab olti kundan so‘ng vafot etgan.
Tergov qotillikni South Side Compton Crips va Mob Piru Bloods guruhlari o‘rtasidagi mojaro bilan bog‘laydi. Otishmadan biroz oldin Shakur va uning hamrohlari Devisning jiyani Orlando Andersonni kaltaklagan. Prokuratura ushbu voqeani keyingi qasos uchun sabab sifatida ko‘rsatmoqda.
Ish o‘nlab yillar davomida ochilmay qolgan. Vaziyat Devisning ommaviy bayonotlari va 2019-yilda chop etilgan xotiralaridan so‘ng o‘zgardi. U kitobda voqealardagi rolini hamda qurolni avtomobilda bo‘lgan shaxslarga berganini bayon qilgan. Sud ushbu kitobdan dalil sifatida foydalanishga ruxsat berdi.
2023-yildan beri hibsda saqlanayotgan Devis aybini tan olmaydi. Himoya uning avvalgi bayonotlari ishonchliligini shubha ostiga qo‘yishni rejalashtirmoqda. Nevada shtatining Klark okrugida 10-avgust kuni boshlangan sud jarayoni olti haftagacha davom etishi mumkin. Guvohlar orasida Tupakning qarindoshlari va Las-Vegasning sobiq meri Oskar Gudman bo‘lishi kutilmoqda.
Tergov qotillikni South Side Compton Crips va Mob Piru Bloods guruhlari o‘rtasidagi mojaro bilan bog‘laydi. Otishmadan biroz oldin Shakur va uning hamrohlari Devisning jiyani Orlando Andersonni kaltaklagan. Prokuratura ushbu voqeani keyingi qasos uchun sabab sifatida ko‘rsatmoqda.
Ish o‘nlab yillar davomida ochilmay qolgan. Vaziyat Devisning ommaviy bayonotlari va 2019-yilda chop etilgan xotiralaridan so‘ng o‘zgardi. U kitobda voqealardagi rolini hamda qurolni avtomobilda bo‘lgan shaxslarga berganini bayon qilgan. Sud ushbu kitobdan dalil sifatida foydalanishga ruxsat berdi.
2023-yildan beri hibsda saqlanayotgan Devis aybini tan olmaydi. Himoya uning avvalgi bayonotlari ishonchliligini shubha ostiga qo‘yishni rejalashtirmoqda. Nevada shtatining Klark okrugida 10-avgust kuni boshlangan sud jarayoni olti haftagacha davom etishi mumkin. Guvohlar orasida Tupakning qarindoshlari va Las-Vegasning sobiq meri Oskar Gudman bo‘lishi kutilmoqda.
Powered by Froala Editor