Kolumbiyani 7,4 magnitudali zilzila larzaga keltirdi: qurbonlar soni 164 nafarga yetdi
Dunyo
Kolumbiya g‘arbida 7,4 magnitudali kuchli zilzila sodir bo‘lib, bir nechta shaharlarda jiddiy vayronagarchiliklarga sabab bo‘ldi. 11-avgust holatiga ko‘ra, kamida 164 kishi halok bo‘lgan, qutqaruv ishlari davom etmoqda va rasmiylar yangi yer silkinishlari ehtimolidan ogohlantirmoqda.
AQSh Geologiya xizmati ma’lumotlariga ko‘ra, zilzila taxminan 107 kilometr chuqurlikda sodir bo‘lgan. Kali, Pereyra va Manizales shaharlari eng ko‘p zarar ko‘rgan hududlar qatorida. Kalida shifoxonaning ayrim qismlari qulab tushgani sababli yuzlab bemorlarni ko‘chaga olib chiqishga to‘g‘ri kelgan. Pereyrada turar joy binolari vayron bo‘lgan, Manizalesda esa tarixiy soborning minoralaridan biri zarar ko‘rgan.
Rasmiy ma’lumotlarga ko‘ra, Kalida 85 kishi, Pereyrada 66 kishi va zilzila epitsentriga eng yaqin Choko departamentida 13 kishi halok bo‘lgan. Qutqaruvchilar, harbiylar, politsiya xodimlari va ko‘ngillilar vayronalar ostida qolganlarni izlash ishlarini davom ettirmoqda.
Zilzila mintaqadagi aeroportlar faoliyatiga ham ta’sir ko‘rsatdi. Kali va Pereyra shaharlarida talon-toroj holatlari xavfi sabab komendantlik soati joriy etildi. Kolumbiya Prezidenti Abelardo De La Espriella Kaliga qo‘shimcha 1 000 nafar xavfsizlik xodimini yuborishni buyurdi.
Kolumbiya Geologiya xizmati 21 ta aftershokni qayd etdi va yangi yer silkinishlari ehtimoli mavjudligidan ogohlantirdi. Reuters ma’lumotiga ko‘ra, bu Kolumbiyada XXI asrda qayd etilgan eng kuchli zilziladir.
Rasmiy ma’lumotlarga ko‘ra, Kalida 85 kishi, Pereyrada 66 kishi va zilzila epitsentriga eng yaqin Choko departamentida 13 kishi halok bo‘lgan. Qutqaruvchilar, harbiylar, politsiya xodimlari va ko‘ngillilar vayronalar ostida qolganlarni izlash ishlarini davom ettirmoqda.
Zilzila mintaqadagi aeroportlar faoliyatiga ham ta’sir ko‘rsatdi. Kali va Pereyra shaharlarida talon-toroj holatlari xavfi sabab komendantlik soati joriy etildi. Kolumbiya Prezidenti Abelardo De La Espriella Kaliga qo‘shimcha 1 000 nafar xavfsizlik xodimini yuborishni buyurdi.
Kolumbiya Geologiya xizmati 21 ta aftershokni qayd etdi va yangi yer silkinishlari ehtimoli mavjudligidan ogohlantirdi. Reuters ma’lumotiga ko‘ra, bu Kolumbiyada XXI asrda qayd etilgan eng kuchli zilziladir.
Powered by Froala Editor