«Oltin gumbaz» loyihasi ishlab chiquvchilari kosmik tutib qoluvchi tizimlarning ilk sinovlarini yakunladi
Dunyo
AQShning Golden Dome raketaga qarshi mudofaa tizimi uchun kosmik tutib qoluvchi qurilmalarni ishlab chiqayotgan kompaniyalar dastlabki muhim sinovlarni yakunladi. Bu haqda Bloomberg xabar berdi.
Sinovlarda, jumladan, SpaceX va Northrop Grumman kompaniyalari ishtirok etmoqda. Agentlik ma’lumotlariga ko‘ra, sinovlar qiymati $185 milliardga baholanayotgan dastur doirasida texnologiyalarni dastlabki tekshirish bosqichini tashkil etdi. Ayrim kompaniyalar uchun sinovlar sensorlardan tutib qoluvchi qurilmaga ma’lumot uzatish hamda kosmik apparatlar dvigatellarining ishlashini namoyish etishni o‘z ichiga olgan.
Golden Dome direktori general Maykl Getleyn kompaniyalar dastlabki tekshiruvlardan so‘ng texnologiyalarining bevosita kosmosdagi ishlash imkoniyatlarini namoyish etish bosqichiga o‘tayotganini ma’lum qildi. Getleyn rasman Golden Dome for America direktori lavozimida faoliyat yuritadi va qiymati $185 milliardga baholanayotgan loyihani boshqaradi.
Golden Dome AQSh hududini ballistik, gipertovushli va zamonaviy qanotli raketalardan himoya qilish uchun yer usti va kosmik komponentlardan iborat ko‘p bosqichli tizim yaratishni nazarda tutadi. Aprel oyida AQSh Kosmik kuchlari 12 ta kompaniya bilan kosmik tutib qoluvchi qurilmalar va tegishli texnologiyalarni ishlab chiqish uchun umumiy qiymati $3,2 milliardgacha bo‘lgan kelishuvlar tuzgan. Ular orasida SpaceX, Northrop Grumman, Lockheed Martin va Anduril ham bor.
Avvalroq, iyun oyining oxirida, Pentagon rahbari Pit Xegseth Golden Dome tizimining ilk muvaffaqiyatli sinovi o‘tkazilganini ma’lum qilgan edi.
Golden Dome direktori general Maykl Getleyn kompaniyalar dastlabki tekshiruvlardan so‘ng texnologiyalarining bevosita kosmosdagi ishlash imkoniyatlarini namoyish etish bosqichiga o‘tayotganini ma’lum qildi. Getleyn rasman Golden Dome for America direktori lavozimida faoliyat yuritadi va qiymati $185 milliardga baholanayotgan loyihani boshqaradi.
Golden Dome AQSh hududini ballistik, gipertovushli va zamonaviy qanotli raketalardan himoya qilish uchun yer usti va kosmik komponentlardan iborat ko‘p bosqichli tizim yaratishni nazarda tutadi. Aprel oyida AQSh Kosmik kuchlari 12 ta kompaniya bilan kosmik tutib qoluvchi qurilmalar va tegishli texnologiyalarni ishlab chiqish uchun umumiy qiymati $3,2 milliardgacha bo‘lgan kelishuvlar tuzgan. Ular orasida SpaceX, Northrop Grumman, Lockheed Martin va Anduril ham bor.
Avvalroq, iyun oyining oxirida, Pentagon rahbari Pit Xegseth Golden Dome tizimining ilk muvaffaqiyatli sinovi o‘tkazilganini ma’lum qilgan edi.
Powered by Froala Editor