O‘zbekiston va Qirg‘iziston hududlarni o‘zaro almashish bo‘yicha keyingi tartibni belgiladi
O'zbekiston
O‘zbekiston va Qirg‘iziston yer uchastkalarini o‘zaro almashish bo‘yicha keyingi amaliy qadamlarni kelishib oldi. Qo‘shma komissiya yig‘ilishida fuqarolik, aholini ko‘chirish, davlat mulkini topshirish va qabul qilish hamda mulkiy huquqlarni rasmiylashtirish masalalari bo‘yicha ish tartibi belgilandi.
Yig‘ilish Batken viloyatining Qadamjoy tumanida bo‘lib o‘tdi. Qirg‘iziston tomonidan komissiyaga mehnat vazirining birinchi o‘rinbosari Kamchibek Dosmatov, O‘zbekiston tomonidan esa ichki ishlar vazirining birinchi o‘rinbosari Botir Qudratxo‘jayev rahbarlik qildi.
Yig‘ilish yakunida ikki mamlakatning tegishli vazirliklari, idoralari va mahalliy hokimiyat organlari vakillaridan iborat qo‘shma ishchi guruh tarkibi tasdiqlandi. Guruh almashiniladigan hududlar aholisi fuqaroligi, ko‘chirishni tashkil etish, davlat mulki obyektlarini qabul qilish va topshirish, mulkiy huquqlar hamda yer foydalanishini rasmiylashtirish masalalari bilan shug‘ullanadi.
Shuningdek, aholining ijtimoiy himoyasi va ta’lim jarayonining uzluksizligini ta’minlashga alohida e’tibor qaratiladi.
Ishchi guruh vakillari almashiniladigan hududlarga tashrif buyurib, bajarilgan ishlar va natijalar to‘g‘risida qo‘shma komissiya hamraislarini muntazam xabardor qiladi. Taqdim etilgan ma’lumotlarga ko‘ra, guruh amaliy faoliyatini allaqachon boshlagan.
Yig‘ilish yakunida ikki mamlakatning tegishli vazirliklari, idoralari va mahalliy hokimiyat organlari vakillaridan iborat qo‘shma ishchi guruh tarkibi tasdiqlandi. Guruh almashiniladigan hududlar aholisi fuqaroligi, ko‘chirishni tashkil etish, davlat mulki obyektlarini qabul qilish va topshirish, mulkiy huquqlar hamda yer foydalanishini rasmiylashtirish masalalari bilan shug‘ullanadi.
Shuningdek, aholining ijtimoiy himoyasi va ta’lim jarayonining uzluksizligini ta’minlashga alohida e’tibor qaratiladi.
Ishchi guruh vakillari almashiniladigan hududlarga tashrif buyurib, bajarilgan ishlar va natijalar to‘g‘risida qo‘shma komissiya hamraislarini muntazam xabardor qiladi. Taqdim etilgan ma’lumotlarga ko‘ra, guruh amaliy faoliyatini allaqachon boshlagan.
Powered by Froala Editor