O‘zbekiston va Qirg‘iziston mahbuslarini almashtiradi
Siyosat
Endilikda mahbuslar o‘z vatanida jazoni o‘taydilar. Bu haqida 18-mart kuni Oliy Majlis Senatining beshinchi yalpi majlisida ko‘rib chiqilgan qonunda belgilab qo‘yildi.
Majlisda “O‘zbekiston Respublikasi bilan Qirg‘iz Respublikasi o‘rtasida ozodlikdan mahrum etilgan shaxslarni jazoni o‘tashni davom ettirish uchun topshirish to‘g‘risidagi Shartnomani ratifikatsiya qilish haqida”gi qonun muhokama qilindi.
Shartnomaning asosiy maqsadi mahkumlarga jazoni o‘z fuqaroligi bo‘lgan davlatda, ya’ni o‘z vatanida, oilasi yaqinida o‘tash imkoniyatini yaratishdir. Shartnomada jazo muddatini o‘tayotgan mahkumlarni hukmni ijro etish uchun o‘z davlatiga topshirish asoslari, shartlari hamda tartiblari aniq ko‘rsatib o‘tilgan.
Shuningdek, ushbu hujjatda mahkumni topshirish bilan bog‘liq xarajatlar, nizolarni hal qilish, ikki tomonlama aloqa tillari, shartnomaga o‘zgartirish kiritish hamda uning kuchga kirishi kabi muhim masalalar o‘rin olgan. Shartnomada O‘zbekiston va Qirg‘iziston bosh prokuraturalari tomonlarning markaziy organlari sifatida belgilangan.
Qayd etilganidek, ushbu shartnomaning ratifikatsiya qilinishi mahkumlarning o‘z davlatida jazoni davom ettirishini ta’minlash orqali ularning ijtimoiy reabilitatsiya jarayonini jadallashtirish imkonini beradi.
Shubhasiz, mahkumlarning jazoni o‘z davlatida o‘tashi ularga yaqin qarindoshlari bilan muntazam ko‘rishib turish imkoniyatini berish bilan birga, ularning oilaviy munosabatlariga ijobiy ta’sir qiladi hamda ijtimoiy hayotga moslashuv jarayonini tezlashtiradi.
Muhokama yakunida senatorlar tomonidan qonun ma’qullandi.
Shartnomaning asosiy maqsadi mahkumlarga jazoni o‘z fuqaroligi bo‘lgan davlatda, ya’ni o‘z vatanida, oilasi yaqinida o‘tash imkoniyatini yaratishdir. Shartnomada jazo muddatini o‘tayotgan mahkumlarni hukmni ijro etish uchun o‘z davlatiga topshirish asoslari, shartlari hamda tartiblari aniq ko‘rsatib o‘tilgan.
Shuningdek, ushbu hujjatda mahkumni topshirish bilan bog‘liq xarajatlar, nizolarni hal qilish, ikki tomonlama aloqa tillari, shartnomaga o‘zgartirish kiritish hamda uning kuchga kirishi kabi muhim masalalar o‘rin olgan. Shartnomada O‘zbekiston va Qirg‘iziston bosh prokuraturalari tomonlarning markaziy organlari sifatida belgilangan.
Qayd etilganidek, ushbu shartnomaning ratifikatsiya qilinishi mahkumlarning o‘z davlatida jazoni davom ettirishini ta’minlash orqali ularning ijtimoiy reabilitatsiya jarayonini jadallashtirish imkonini beradi.
Shubhasiz, mahkumlarning jazoni o‘z davlatida o‘tashi ularga yaqin qarindoshlari bilan muntazam ko‘rishib turish imkoniyatini berish bilan birga, ularning oilaviy munosabatlariga ijobiy ta’sir qiladi hamda ijtimoiy hayotga moslashuv jarayonini tezlashtiradi.
Muhokama yakunida senatorlar tomonidan qonun ma’qullandi.
Powered by Froala Editor