O‘zbekistondagi klinikalarga tashrif buyurgan xorijlik bemorlarga QQS qaytarib beriladi

Yig’ilish doirasida koʻplab loyiha va tashabbuslar koʻrib chiqildi, xususan:

– Shahrisabz shahri va Shahrisabz tumanida turizm klasteri tashkil qilinadi;

– 33 kilometrli Hisorak – G‘elon va Hisorak – Sarchashma yo‘li kengaytirib, ta’mirlanadi;

– “Chiroqchi-Sho‘rquduq” avtomobil yo‘li yaxshilanib, Samarqanddan Shahrisabzga qatnov vaqti qisqaradi;

– G‘elondan o‘tuvchi Oqsu daryosida quvvati 24 megavattli 3 ta gidro elektr stansiya ishga tushiriladi;

– Shahrisabz turizm texnikumida Shveysariya dasturi asosida yiliga 100 nafar mutaxassis tayyorlanadi;

– akvaparklar qurish hamda ko‘llar bo‘yida loyihalar qilish uchun yerlar auksionga chiqariladi;

– tibbiyot va sog‘lomlashtirish turizmi rivojlantiriladi. Shu bois Janubiy Koreya, Turkiya va Hindiston tajribasi asosida “Tibbiy xizmatlar mehmondo‘stligi” dasturi yo’lga qo’yiladi;

– endi xususiy klinikalarning xalqaro akkreditatsiyadan o‘tish, xorijiy ko‘rgazmada qatnashish xarajati budjetdan qoplanadi;

– klinikalarga kelgan chet elliklar uchun qo‘shilgan qiymat solig‘i qaytarib beriladi;

– xorijga borib, targ‘ibot-diagnostika xizmatini ko‘rsatgan shifokorlarning transport va yashash xarajatlari to‘lab beriladi;

– chegaradan o‘tishni yanada soddalashtirish muhimligi qayd etildi;

– transport vazirligiga xalqaro reyslarni ko‘paytirish, barcha qatnovlar haqida ma’lumot va chipta olish imkonini beradigan yagona onlayn platformani ishga tushirish vazifasi qo‘yildi;

– mamlakatimiz turizm salohiyatini to‘liq ko‘rsatuvchi global targ‘ibot kampaniyasini yo‘lga qo‘yiladi;

– “Elektron-viza” tizimi yanada takomillashtirilib, mobil ilovasi ham ishga tushiriladi;

Yakunida Prezidentimiz turizmni rivojlantirish bo‘yicha jamoatchilik kengashi tuzishni taklif qildi. Soha vakillari va tadbirkorlar buni mamnuniyat bilan qo‘llab-quvvatladi.

Powered by Froala Editor