Ozodbek Nazarbekov "Qirg‘iziston Respublikasi xalq artisti" unvoni bilan taqdirlandi

Qirg‘iziston Prezidenti Sadir Japarov, Ozodbek Nazarbekovning mamlakatlar o‘rtasidagi madaniy do‘stlikni yanada mustahkamlashga qo‘shgan hissasini e’tirof etgan holda, uning ijodiy yo‘li ko‘pchilikni ilhomlantirayotganini ta’kidladi.

Japarov, shuningdek, 2025-yilda Qirg‘izistonda o‘tkaziladigan O‘zbekiston madaniyati kunlari ikki xalqning yaqinlashishida muhim voqea bo‘lishiga ishonch bildirdi.

Ozodbek Nazarbekov, o‘z navbatida, Qirg‘iziston Prezidentining unga berilgan yuksak baho va mukofot uchun minnatdorligini bildirib, ikki mamlakat o‘rtasidagi qardoshlik munosabatlarini yanada mustahkamlashga intilishlarini qayd etdi. U, shuningdek, O‘zbekistonda Chingiz Aytmatovning 100 yilligiga bag‘ishlangan tadbirlarning o‘tkazilayotganidan mamnun ekanini bildirib o'tdi.

Bugungi kunda Ozodbek Nazarbekov va Qirg‘izistonning yetakchi teatr rahbarlari ikki xalq o‘rtasidagi ijodiy hamkorlikni rivojlantirishga qaratilgan qo‘shma teatr loyihasi ustida faol ish olib borayotganini ma'lum qildi.

Powered by Froala Editor