Prezident: AQSh bilan hamkorlik salohiyati ulkan
O'zbekiston
28-avgust kuni O‘zbekiston Respublikasi Prezidenti Shavkat Mirziyoyev AQSh Prezidenti global sheriklik bo‘yicha maxsus elchisi Paolo Zampollini qabul qildi.
Amerikalik vakil davlat rahbariga AQSh Prezidenti Donald Trampning O‘zbekiston Mustaqillik kuni munosabati bilan samimiy tabriklarini yetkazdi.
Muzokaralarda O‘zbekiston–AQSh strategik sherikligini yanada chuqurlashtirish masalalari muhokama qilindi. Qayd etilishicha, ikki mamlakat o‘rtasida konstruktiv siyosiy muloqot yo‘lga qo‘yilgan, parlamentlararo almashinuvlar faollashgan. Iyul oyida AQSh Kongressida “O‘zbekiston kuni” bo‘lib o‘tdi, shu kuzda esa kengaytirilgan strategik sheriklik dialogining ilk yig‘ilishi o‘tkazilishi rejalashtirilgan.
Xavfsizlik, terrorizm, ekstremizm va noqonuniy migratsiyaga qarshi kurash sohalarida samarali hamkorlik yo‘lga qo‘yilgan.
Iqtisodiy aloqalar ham barqaror o‘smoqda: 2024-yilda savdo hajmi 15 foizga oshdi, qo‘shma loyihalar portfeli esa 11 milliard dollardan oshdi. Joriy yil iyun oyida Toshkent investitsiya forumida 100 dan ortiq yetakchi amerika kompaniyalari ishtirok etdi.
Uchrashuvda mineral resurslar, aviatsiya, elektrotexnika, qishloq xo‘jaligi, raqamli texnologiyalar, moliya, innovatsiya va ta’lim kabi sohalarda hamkorlik salohiyati alohida ta’kidlandi.
Shuningdek, “С5+1” formati doirasida mintaqaviy hamkorlikni kuchaytirish muhimligi qayd etildi va yaqin kelgusi davrdagi qo‘shma tadbirlar rejasi ko‘rib chiqildi.
Muzokaralarda O‘zbekiston–AQSh strategik sherikligini yanada chuqurlashtirish masalalari muhokama qilindi. Qayd etilishicha, ikki mamlakat o‘rtasida konstruktiv siyosiy muloqot yo‘lga qo‘yilgan, parlamentlararo almashinuvlar faollashgan. Iyul oyida AQSh Kongressida “O‘zbekiston kuni” bo‘lib o‘tdi, shu kuzda esa kengaytirilgan strategik sheriklik dialogining ilk yig‘ilishi o‘tkazilishi rejalashtirilgan.
Xavfsizlik, terrorizm, ekstremizm va noqonuniy migratsiyaga qarshi kurash sohalarida samarali hamkorlik yo‘lga qo‘yilgan.
Iqtisodiy aloqalar ham barqaror o‘smoqda: 2024-yilda savdo hajmi 15 foizga oshdi, qo‘shma loyihalar portfeli esa 11 milliard dollardan oshdi. Joriy yil iyun oyida Toshkent investitsiya forumida 100 dan ortiq yetakchi amerika kompaniyalari ishtirok etdi.
Uchrashuvda mineral resurslar, aviatsiya, elektrotexnika, qishloq xo‘jaligi, raqamli texnologiyalar, moliya, innovatsiya va ta’lim kabi sohalarda hamkorlik salohiyati alohida ta’kidlandi.
Shuningdek, “С5+1” formati doirasida mintaqaviy hamkorlikni kuchaytirish muhimligi qayd etildi va yaqin kelgusi davrdagi qo‘shma tadbirlar rejasi ko‘rib chiqildi.
Powered by Froala Editor