Qirg‘iziston Vazirlar Kabineti rahbari Adilbek Kasimaliyev O‘zbekistonga kelmoqda
Dunyo
Qirg‘iziston Respublikasi Bosh vaziri Adilbek Kasimaliyev 16–17-iyun kunlari amaliy tashrif bilan O‘zbekistonda bo‘ladi. Qirg‘iziston Respublikasi Vazirlar Kabinetining rasmiy ma’lumotlariga ko‘ra, hukumat rahbarining safaridan ko‘zlangan asosiy maqsad yubiley V Toshkent xalqaro investitsiya forumi ishida shaxsan ishtirok etish hisoblanadi, unda Qirg‘iziston Bosh vaziri asosiy yalpi majlis davomida ma’ruza bilan chiqish qiladi.
Ko‘p tomonlama investitsiya kun tartibidan tashqari, Adilbek Kasimaliyevning tashrif dasturidan ikki tomonlama hamkorlikning qizg‘in yo‘nalishlari o‘rin olgan. Qirg‘iziston ijroiya hokimiyati rahbari O‘zbekiston rahbariyati va yuqori martabali rasmiy shaxslari bilan qator uchrashuvlar hamda rasmiy muzokaralar o‘tkazadi. Ushbu muzokaralar davomida tomonlar davlatlararo hamkorlikning dolzarb masalalarini, avval erishilgan kelishuvlarning borishini, shuningdek, o‘zaro savdo, sanoat kooperatsiyasi va transchegaraviy infratuzilma sohasidagi yangi istiqbolli yo‘nalishlarni atroflicha muhokama qilishni rejalashtirmoqda.
Powered by Froala Editor