Rossiya sudi Aleksey Arestovichni sirtdan 11 yilga ozodlikdan mahrum etdi
Dunyo
Rossiyaning 2-G‘arbiy okrug harbiy sudi Ukraina prezidenti ofisining sobiq shtatdan tashqari maslahatchisi Aleksey Arestovichni sirtdan 11 yil muddatga ozodlikdan mahrum etdi. Rossiya sudi uni terrorchilik faoliyatiga ommaviy da’vat qilish va Rossiya Qurolli kuchlari haqida, ayblov versiyasiga ko‘ra, bila turib yolg‘on ma’lumot tarqatishda aybdor deb topdi.
Hukm 2026 yil 28 avgust kuni chiqarildi. Sud qaroriga ko‘ra, Arestovich tayinlangan muddatning dastlabki uch yilini qamoqxonada, qolgan qismini esa umumiy tartibli jazoni ijro etish koloniyasida o‘tashi kerak. Shuningdek, unga to‘rt yil davomida elektron yoki axborot-telekommunikatsiya tarmoqlari orqali saytlar va kanallarni boshqarish bilan bog‘liq faoliyat bilan shug‘ullanish taqiqlandi.
Rossiya Bosh prokuraturasi ma’lumotiga ko‘ra, ayblovlar, jumladan, 2022 yil 17 martda e’lon qilingan videomurojaat bilan bog‘liq. Rossiya tergovi ushbu videoda Rossiya qo‘shinlarini ko‘chirish va ta’minlash uchun foydalaniladigan temir yo‘l infratuzilmasini yo‘q qilishga chaqiriqlar bo‘lganini bildirdi. Ish materiallarida 2022 yil 8 aprelda Kramatorsk temir yo‘l vokzaliga berilgan zarba haqida e’lon qilingan material ham qayd etilgan.
Ish Arestovichning ishtirokisiz ko‘rib chiqildi. Rossiya hukumati uning mamlakat tashqarisida ekanini va xalqaro qidiruvga berilganini ma’lum qildi. Sud ma’lumotiga ko‘ra, jazo muddati u qo‘lga olingan yoki Rossiyaga ekstraditsiya qilingan paytdan boshlab hisoblanadi.
Hukm hali qonuniy kuchga kirmagan va apellyatsiya tartibida shikoyat qilinishi mumkin.
Rossiya Bosh prokuraturasi ma’lumotiga ko‘ra, ayblovlar, jumladan, 2022 yil 17 martda e’lon qilingan videomurojaat bilan bog‘liq. Rossiya tergovi ushbu videoda Rossiya qo‘shinlarini ko‘chirish va ta’minlash uchun foydalaniladigan temir yo‘l infratuzilmasini yo‘q qilishga chaqiriqlar bo‘lganini bildirdi. Ish materiallarida 2022 yil 8 aprelda Kramatorsk temir yo‘l vokzaliga berilgan zarba haqida e’lon qilingan material ham qayd etilgan.
Ish Arestovichning ishtirokisiz ko‘rib chiqildi. Rossiya hukumati uning mamlakat tashqarisida ekanini va xalqaro qidiruvga berilganini ma’lum qildi. Sud ma’lumotiga ko‘ra, jazo muddati u qo‘lga olingan yoki Rossiyaga ekstraditsiya qilingan paytdan boshlab hisoblanadi.
Hukm hali qonuniy kuchga kirmagan va apellyatsiya tartibida shikoyat qilinishi mumkin.
Powered by Froala Editor